04 Shkurt 2023

Lewandowski pritet të largohet këtë verë nga Bayerni

Munich, 1 mars - Gjigandi gjerman Bayern Munich veçse ka rinovuar kontratat e lojtarëve kyç si Joshua Kimmich, Leon Goretzka dhe Kingsley Coman, ku po ashtu siguroi të ardhmet e yjeve si Paul Wanner dhe Gabriel Vidovic.

Sipas raportimeve të fundit, gjigandi “Bavarez” pritet që të rinovojë kontratat Thomas Muller dhe Manuel Neuer, ndërsa kanë hasur në probleme në vazhdimin e kontratave të Serge Gnabry dhe Robert Lewandowskit, përcjell KosovaPress.

Problemi te Gnabry qëndron paga dhe minutazha jo e kënaqshme e lojës, kurse te Lewandoski problemi qëndron që kampioni gjerman ende nuk i ka hapur bisedimet.

Në anën tjetër, Lewandowski nuk do të lejojë asgjë që të ndikojë në fokusin e tij gjatë këtij sezoni, ndërsa raportohet se dëshiron që të qëndrojë në Munich, por ende nuk ka pranuar ftesë nga klubi për të filluar bisedimet për të ardhmen e tij.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)