25 Maj 2022

Komuna e Rahovecit shpall sportistët më të mirë të vitit

Rahovec, 30 dhjetor - Në sallën e mbledhjeve të Kuvendit Komunal të Rahovecit është bërë shpallja e sportistëve më të mirë për vitin 2021 të komunës së Rahovecit. Vlerësimi i sportistëve është bërë nga komisioni profesional i formuar nga kryetari i Komunës, Smajl Latifi.

Shpërblimet e para iu takuan hendbollistëve të Klubit të Hendbollit “Rahoveci”, Besmir Kusari me trajnerin Leonard Cula, si dhe punëtorit sportiv të këtij klubi Afrim Deliu, i cili u cilësua si më i miri për vitin 2021.

Nga komisioni i formuar nga kryetari i komunës, Smajl Latifi janë vlerësuan edhe shahistët e rinj Alaudin Shtavica e Elma Sharku, si dhe mjeshtri i shahut Sabahudin Kollari. Po ashtu, u shpërblyen edhe futbollistët më të mirë, ndërsa trajneri i vitit u vlerësua ai i KF Rahoveci, Senad Alirifa.

Më i miri për vitin 2021 u vlerësua Visar Ejupi, basketbollist i ri i KB Rahoveci, i cili në turneun e FIBA European Challanger në Tiranë, u shpall si lojtari më i vlerësuar (MVP), pasi që kontribuoi që Kosova ta fitojë këtë turne dhe të shpallet kampion për moshat U18. Visarin, si basketbollist me perspektivë dhe modest, e pret një e ardhme e ndritur nëse do të vazhdojë të punojë dhe të kontribuojë në sukseset e KB Rahoveci.

“Pata kënaqësinë që t’ia jap një mirënjohje për kontribut në atletikë vrapuesit të pasionuar Erzen Zyberaj, i cili e promovon Kosovën dhe Rahovecin në çdo garë ku ai merr pjesë. Me mirënjohje janë shpërblyer edhe sportistët; Admir Mullabazi, Edmond Cana, Hysen Zllanoga, Sadedin Cena, Odesa Muharremi, Arsim Kastrati, Haxhi Sada, Hadis Durguti, si dhe gazetari i sportit Shaip Shala.

Mirënjohje janë ndarë edhe për klubet, shoqatat sportive dhe individët që merren me sport në komunën e Rahovecit.  Kërkova nga sportistët që të vazhdojnë të japin kontributin e tyre në disiplinat ku garojnë, ndërsa Komuna do të përpiqet t’u qëndrojë pranë me infrastrukturë më të mirë sportive dhe me mbështetje konkrete materiale e financiare.

Sporti është ambasador i mirë dhe një mundësi më shumë për ta njohur Kosovën botërisht, prandaj sukseset e sportitëve tanë janë edhe suksese të Kosovës”, ka thënë ndër të tjera kryetari Latifi. 

Kalendari

Ngjarjet e datës 26 maj 2022

- Mbahet mbledhja e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 9:00)


- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe te varrezat e dëshmorëve në Landovicë. (Landovicë, ora 9:30)

- Mbahet seanca plenare e Kuvendit të Republikës së Kosovës.  (Kuvendi i Kosovës, ora 10:00)

- Mbahet mbledhja e radhës e Këshillit Komunal për Siguri në Bashkësi për vitin 2022, nën udhëheqjen e Kryetarit të Prishtinës, Përparim Rama. (Objekti i vjetër i Komunës së Prishtinës, ora 10:00)

- Komisioni Qendror i Zgjedhjeve organizon punëtorinë me organizatat e Shoqërisë Civile, me temën, “Bashkëpunimi me organizatat e Shoqërisë Civile në edukimin dhe informimin e votuesve në të ardhmen”. (Hotel Emerald, ora 10:00)

- EC Ma Ndryshe dhe Organizata e Personave me Distrofi Muskulore e Kosovës organizojnë aktivitetet që do të mbahen për nder të shënimit të ”Javës së Distrofisë 2022”. (Para Administratës Komunale në Prizren, ora 10:00)

- Komuna e Rahovecit bën homazhe në varrezat e dëshmorëve: Bekim Sylka, Besim Kabashi dhe Avni Thaçi. (Rahovec, ora 10:30)

- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe te Lapidari i Dëshmorëve në Gorozhup. (Gorozhup, ora 10:30)

- Komuna e Rahovecit bën homazhe në vendin e rënies së dëshmorit të kombit Bekim Sylka në Hamoc. (Hamoc, ora 11:00)

- Një grup i qytetarëve protestojnë për lejimin e tërheqjes së 30 për qind të mjeteve të Trustit. (Para ndërtesës së Qeverisë, ora 12:00)  

- Oficerë të lartë nga Kroacia dhe Shqipëria marrin pjesë në shënimin e përvjetorit të Operacionit Shigjeta. (Majen e Pashtrikut, ora 12:00)

- Mbahet ceremonia solemne e nderimit me çmimin “Honor Degree - Excellence Leadership Award” të dy personaliteteve të shquara nga Shtetet e Bashkuara të Amerikës, Jim Xhema dhe  Christopher Hyland. (Kampusi i UBT-së, Lipjan, tek QMI, ora 14:00)

- Zhvillohet ndeshja finale Drita- Llapi. (Stadiumin “Fadil Vokrri” në Prishtinë, ora 20:00)