08 Maj 2021

Kandidatët për postin e trajnerit të Real Madridit

Madrid, 13 prill - Edhe në rast se ndodh ndonjë mrekulli dhe Reali i Madridit arrin që të shpallet kampion i Spanjës, është më se e sigurt se trajneri kilian Manuel Pellegrini në verë do të lihet i lirë.

Duke pasur parasysh një gjë të tillë janë bërë të ditur edhe emrat e trajnerëve kandidat të cilët do të kishin zëvendësuar kilianin në postin e trajnerit te “mbretërit”.

Sipas “Marca”, emrat e kandidatëve janë Jose Mourinho (Inter Milan), Fabio Kapello (Angli), Karlo Ançeloti (Çelzi), Rafael Benitez (Liverpul), dhe Luis Felipe Skolari (Bundyodkor).

Sipas “El Mundo Deportivo”, kandidat i preferuar i presidentit Florentino Perez është spanjolli Luis Aragones, ndërkohë sipas “Sport”, i preferuari i Perezit është Rafael Benitez, ndërkohë në anën tjetër drejtori sportiv Horhe Valldano për trajner të Realit dëshiron të sheh portugezin Jose Mourinho.

Në sondazh nuk është futur Manuel Pellegrini, gjë për të cilën protestuan shumë tifozë të Realit të cilët ende e dëshirojnë kilianin në stolin e Realit, përkundër zhgënjimit në Ligën e Kampionëve dhe disfatës turpëruese në ‘el Classico’.

Në sondazh prijnë trajneri i Interit, Jose Mourinho (42%) dhe ai i Liverpoolit, Rafa Benitez (35%), por mbetet të shihet nëse ndonjëri prej të lartpërmendurve do të zëvendësojë vërtetë Pellegrinin në bankinën mbretërore të Real Madridit.

Ndërkohë “Marca”, ka veçuar edhe 7 mëkatet e Pellegrinit:

1. Ëndrra e keqe e quajtur Alkorkon
2. Paaftësia për të mirëkuptuar me futbollistët në dhomat e zhveshjes
3. Koordinim i keq mes futbollistëve
4. Pamundësia për të nxjerrë më të mirën nga yjet që ka në skuadër
5. Stili i paqartë
6. Eliminimi nga liga e Kampionëve përballë Lionit dhe
7. Paaftësia për të fituar në ndeshjet e mëdha dhe më të rëndësishme.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)