18 Qershor 2021

Juventusi kërkon një blerës

Torino, 25 mars - Te Juventus zhvillohet një mbledhje e jashtëzakonshme e këshillit administrativ të Juventusit. Lajmi është bërë i ditur nga “Sky Sport 24”, duke saktësuar se gjatë këtij takimit është folur për pritshmëritë teknike, por edhe ato ekonomike në lidhje me klubin.

 

Kjo mbledhje ka ardhur pikërisht në ditët që e përditshmja “Il Libero” ka bërë publik një lajm surprizë: mazhoranca e kuotave të Juventus mund të shiten në një të ardhme jo të largët për në shoqëri private.


Sipas “Il Libero”, shoqëria financiare “Exor” përmes të cilës familja Anjeli kontrollon klubin bardhezi, po kërkon një blerës (zë që është përgënjeshtruar më pas nga vetë shoqëria). Mbetet i paqartë identiteti i blerësit potencial, ashtu sikurse edhe çmimi i shitjes së kuotës së mazhorancës së aksioneve.

 

Megjithatë, e përditshmja “Tuttosport” pohon se mund të ndodhë një operacion surprizë i merkatos: Xhixhi Bufon, i kërkuar nga Mançester Junajtid dhe Mançester Siti, mund të sakrifikohet në emër të një rindërtimi radikal të skuadrës: vlera e tij është fiksuar te 25 milionë eurot.


Përveç Mançesterit, portieri i kombëtares italiane mund të përfundojë edhe në Bundesliga te Bajerni i Mynihut. “Tuttosport” kujton më pas se revolucioni mund të përfshijë edhe shumë lojtarë të rëndësishëm të Juventusit: “Në harkun e një viti, lexohet në faqen ‘online’ të së përditshmes, do të shkojnë në skadencë kontrate Aleksandro Del Piero, Mauro Kamoranezi, Devid Trezege, Nikola Legrotalje e Hasan Salihamixhiç.

Rinovime duket se nuk do të ketë për ta”. Sikurse është bërë e njohur sipas zërave të fundit në qarkullim, favoriti për pankinën e Juventusit mbetet Çesare Prandeli. Trajneri i Fiorentinës do të merrte me vete edhe Xhilardinon nga Firence dhe do të ishte njeriu i duhur për të ringritur brazilianin Filipe Melo.

Sinjale kontradiktore lëshon kandidati tjetër, trajneri i Liverpulit, Rafa Benitez: ai shkel syrin, por në të njëjtën kohë po mundohet të bëjë edhe merkaton e Liverpulit. Gjithsesi, për momentin mbetet ende e paqartë natyra e revolucionit që pritet të ndodhë te bardhezinjtë.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)