27 Janar 2023

Hakimi nënshkroi një kontratë 5-vjeçare me PSG

Paris, 7 korrik - Klubi francez Paris Saint Germain (PSG) ka njoftuar se Achraf Hakimi u largua nga Inter Milan dhe nënshkroi një kontratë 5-vjeçare me PSG. 

"Paris Saint-Germain ka nderin të njoftojë ardhjen e Achraf Hakimit", thuhet në deklaratë.

Gjithashtu thuhet se marokeni 22-vjeçar, i cili luan si mbrojtës i djathtë dhe gjithashtu ka shtetësinë spanjolle, nënshkroi një kontratë me klubin francez deri më 30 qershor 2026.

Hakimi erdhi në Inter Milan në vitin 2020 nga Real Madridi dhe u bë një nga lojtarët kryesorë pasi ndihmoi skuadrën të fitonte titullin italian me 7 gola dhe 11 asiste.

Nga 2018 deri në 2020, Hakimi luajti si huazim tek Borussia Dortmund. Ai luajti 36 ndeshje për kombëtaren e Marokut dhe shënoi 4 gola.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)