27 Nëntor 2022

FIFA merr në konsideratë përjashtimin e Iranit nga Botërori

Gjenevë, 21 tetor - Zërat për përjashtimin e Iranit nga Kupa e Botës po shtohen gjithmonë e më shumë dhe tani në FIFA po marrin seriozisht në konsideratë një vendim të fortë, sidomos pas kërkesës zyrtare të një pjese të futbollistëve iranianë.

Protestat e shumta dhe shpesh të dhunshme, për më shumë liri, barazi e drejtësi, janë në thelb të kërkesës, teksa për këtë situatë, futbollistët iranianë kanë dalë me një deklaratë zyrtare, ku i kanë kërkuar FIFA-s përjashtimin e vendit të tyre nga Kupa e Botës Katar 2022.

E nëse qeveria botërore e futbollit merr një vendim të tillë ekstrem, vetëm një muaj para startit të Botërorit, atëherë ata që do të marrin vendin e Iranit në Katar, janë Emiratet e Bashkuara Arabe.

Kjo pasi FIFA është e detyruar ta zëvendësojë shtetin e përjashtuar me një përfaqësuese tjetër që bën pjesë në po atë konfederatë, konkretisht në konfederatën aziatike.

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)