07 Shkurt 2023

Dybala largohet pas 7 vitesh nga Juventus

Torino, 22 mars - Paulo Dibala nuk do të rinovojë kontratën me Juventusin. Sulmuesi argjentinas ka vendosur që të largohet në fundin e sezonit aktual, duke mbyllur kështu eksperiencën 7-vjeçare me fanellën bardhezi.

Drejtori ekzekutiv i torinezëve, Maurizio Arrivabene tha se Dibala nuk është në qendër të projektit për të ardhmen, kjo e ndikuar edhe nga ardhja e sulmuesit Vlahoviç gjatë merkatos së janarit.

28-vjeçari duket se nuk është bindur nga oferta e dhënë nga italianët, që do të humbasin kështu një xhevahir si argjentinasi me parametra zero.

Shumë skuadra janë në garë për të firmosur me Dibalën. Inter, Totenhem, Barcelona dhe Atletiko e Madridit kanë shfaqur interes për shërbimet e tij. “Los Colçoneros” shikojnë tek ish-lojtari i Palermos zëvendësuesin e sulmuesit kryesor, Luis Suarez.

 Në favor të spanjollëve është fakti se trajneri Simeone e ka pëlqyer talentin e patriotit të tij prej vitesh.

Divorci me Dibalën është një tjetër largim me peshë nga Juventusi pas Kristiano Ronaldos një vit më parë. Që prej vitit 2015, ku erdhi në Torino, sulmuesi argjentinas ka shënuar 113 gola në 283 ndeshje në të gjithë garat, duke fituar 5 kampionate të Seria A, katër kupa Italie dhe po aq Superkupa kombëtare.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)