25 Janar 2022

Christopher Doran dhe Lene Osmani fitues te turneut te seniorve në pingpong

Prishtinë, 28 nëntor - Sot në Ferizaj u organizua turneu i seniorëve për Ditën e Flamurit. Morën pjesë afër 100 pingpongistë nga Kosova.

Garat u zhvilluan vetëm në eliminim nga ora 10 deri në 17, ku të pranishmit patën mundësinë që të shohin shumë ndeshje interesante e po ashtu edhe befasi.

Në kategorinë e femrave në gjysmë finalen e parë Linda Zeqiri fitoi me 3:1 ndaj Shega Hashanit, në gjysmë finalen e dytë Lene Osmani, që në të 16-ën e finales kishte befesasuar Alma Mehmetin fitoi ndaj, talentës nga Prizreni, Taibe Ruli po ashtu me 3:1.

Në finale Linda konsiderohej favorite, mirëpo edhe ajo u befasua nga loja e mirë e Lenës e cila fitoi titullin e parë të seniorëve me rezultat të ngushtë 3:2.

Në kategorinë e meshkujve kishte numër më të madh të lojtarëve dhe ndeshjeve, megjithatë favoritë nuk lejuan befasi, në gjysmëfinalen e parë Kreshnik Mahmuti fitoi me lehtësi ndaj Blendi Hajdarit me rezultat 3:0, ngjashëm edhe Christopher Doran që fitoj ndaj Fatih Karabaxhakut.

Në finale kësaj radhe u takuan Christopher Doran dhe Kreshnik Mahmuti, ndeshje në fillim ishte e barabartë, Christopheri fitoi senin e parë, ndërsa Kreshniku të dytin, duke e bërë ndeshje mjaft të barabartë, por pastaj Christopheri fitoi setin e tretë dhe të katërt dhe titullin e pestë me radhë.

Kalendari

Ngjarjet e datës 25 janar 2022 - Komisioni për Punë të Jashtme dhe Diasporë shqyrton Projektligjin për ratifikimin e Marrëveshjes ndërmjet Qeverisë së Republikës së Kosovës dhe Qeverisë së Malit të Zi në kontekstin e Aderimit në Bashkimin Evropian. (Ndërtesa e Kuvendit, salla N302, ora 10:00)

- Komisioni për Mbikëqyrjen e Agjencisë së Kosovës për Inteligjencë, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C301, kati III, ora 10:00)

- Instituti Demokratik i Kosovës mban konferencën për media, ku do të prezantohen rezultatet e Indeksit të Perceptimit të Korrupsionit për vitin 2021 nga Transparency International. (Zyrat e KDI-së, përballë Bashkësisë Islame, ora 10:00)

- Organizata për Demokraci, Anti-korrupsion dhe Dinjitet, Çohu! organizon tryezë, në të cilën do të publikohet raporti me titull “Online Media Monitor”. (Hotel Sirius, ora 10:00)
 
- Grupi organizativ "Protestojë" mban konferencë për media lidhur me protestën "Asnji cent ma shumë!" kundër shtrejtimit te rrymës, të paraparë të mbahet të merkurën. (Pranë ndërteses së Qeverisë, ora 10:00)

- Mbahet mbledhja e parë e rregullt e Kuvendit Komunal të Rahovecit për vitin 2022. (Salla e mbledhjeve të Kuvendit Komunal, ora 10:00)

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton në parim i Projektligjin pÑ‘r Agjencinë e Kosovës për Akreditim dhe Arkivat Shtetërore. (Ndërtesa e Kuvendit, salla C203, ora 10:00)

- Instituti i Prishtinës për Studime Politike dhe Lëvizja FOL organizon tryezën e diskutimit me temën "Reforma në Sistemin e Drejtësisë gjatë vitit 2021: Sfidat dhe arritjet". (Hotel Swiss Diamond, ora 10:30)

- Bordi i Zyrës së Rregullatorit të Energjisë raporton para Komisionit për Ekonomi, Industri, Ndërmarrësi dhe Tregti lidhur me shqyrtimin e jashtëzakonshëm të tarifave të energjisë elektrike. (Ndërtesa e Kuvendit, salla N506, ora 11:00)

-  Komisioni për Integrime Evropiane shqyrton Projektligjin për ndryshimin dhe plotësimin e Ligjit për shitjen e banesave për të cilat ekziston e drejta banesore, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N303, ora 11:00)

- Kryeministri i Republikës së Kosovës, Albin Kurti, merr pjesë në prezantimin e aktiviteteve të Agjencisë së Kosovës për Akreditim për vitin 2021 dhe Strategjinë e AKA-së 2021-2025. (Hotel Sirius, ora 11:20)

- Kryetari i Kuvendit të Republikës së Kosovës, Glauk Konjufca, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C 301, ora 13:00 - Mediat mund të marrin pamje në fillim të takimit)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për Sistemin e menaxhimit të performancës së komunave dhe skemën e grantit të bazuar në performancë. (Ndërtesa e Kuvendit, salla 303, ora 14:00)

- Mbahet takimi i radhës së Këshillit Ekonomiko-Social. (Objekti i Qeverisë, salla Nr. P/38, ora 15:00)