04 Dhjetor 2022

Christopher David Doran dhe Alma Mehmeti fitues te turneut Dita e Boshnjakve

Prizren, 3 tetot - Sot në palestrën ‘Prizren Arena’ në Prizren u organizuar turneu i parë i seniorëve ‘Dita e Boshnjakve’ me  pjesëmarrjen e afër 100 pingpongistëve, duke i respektuar masat anticovid.

Turneu u organizua me sistem të mbyllur, me vetëm 64 meshkuj dhe 32 femra, e të cilat  garat i zhvilluan me eliminime, kishte shumë ndeshje interesante, drama e madje edhe befasitë nuk munguan.

Në kategorinë e femrave  për befasi u përkujdes Leoresa Imeri e cila në të tetën e finales mposhti të parën e ranglistës Linda Zeqiri me rezultat 3:1.

Në gjysmë finale Shega Hashani ishte më e mirë se Leoresa, duke triumfuar me 3:1, me rezultat të njëjtë edhe Alma Mehmeti fitoj ndaj Bjondina Hasanit në gjysmëfinalen tjetër.

Në finale u takuan dy shpresat e pingpongut të Kosovës, e Alma ishte më e përqendruar dhe fitoi me 3:1, e kështu u bë kampionia e parë e turneut Dita e Boshnjakëve.

Në kategorinë e meshkujve kishte konkurrencë më të madhe edhe pse munguan disa nga top 12 e ranglistës, por nuk munguan ndeshjet e forta, e befasitë. Si befasi konsiderohet fitorja e  Argjend Feratit ndaj Ercan Karabacak, Aulon Bivolakut ndaj Eroll Boshnjakut dhe Altin Ademit ndaj Feim Ramës.

Në gjysmëfinalen e parë edhe kësaj radhe u takuan Kreshnik Mahmuti dhe Christopher David Doran, Kreshniku bëri rezistencë të denjë, por në fund triumfoi anglezi me 3:1. Në gjysmëfinalen tjetër Fatih Karabaxhaku tirumfoi me 3:0 ndaj Blendi Hajdarit.

Në finale Fatihu tregoj lojë të mire, por jo të mjaftueshme për të fituar ndaj Christoferit, i cili me këtë fitore arriti në titullin e 4-të radhazi në garat individuale.

 

Kalendari

Ngjarjet e datës 5 dhjetor 2022

- Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)