09 Shkurt 2023

Biatloni pezullon Rusinë dhe Bjellorusinë si anëtare të federatës

Strasburg, 29 mars - Pasi shumica e sporteve olimpike ndaluan atletët dhe ekipet nga Rusia dhe Bjellorusia, biatloni iu bashkua listës së izolimit duke pezulluar federatat e tyre nga anëtarësimi.

Rusia dhe Bjellorusia “kanë shkelur detyrimet humanitare si federata anëtare”, thuhet në deklaratën e Unionit Ndërkombëtar të Biatlonit (IBU).

IBU gjithashtu potencoi se pushtimi ushtarak rus "ka ndërprerë aktivitetet e Federatës së Biatlonit të Ukrainës" kështu që do të ishte e padrejtë që "vendet sulmuese" të gëzonin të drejtat e anëtarësimit ndërsa biatloni në Ukrainë ndërpritet.

Rusia ka ruajtur anëtarësimin aktiv në shumicën e organeve drejtuese të sportit, përfshirë atë të futbollit në FIFA, e cila ka kongresin e saj vjetor të enjten në Doha të Katarit.

Mbetet e paqartë nëse zyrtarët rusë të futbollit do të shfrytëzojnë të drejtat e tyre për të marrë pjesë dhe për të folur para kongresit me më shumë se 200 anëtarë.

Bordi ekzekutiv i IBU-së vendosi të pezullojë anëtarët e saj rusë dhe bjellorusë një javë pas përfundimit të sezonit të Kupës së Botës.

Vendimet, të cilat mund të apelohen në Gjykatën e Arbitrazhit Sportiv, do të rishikohen "në rast të ndryshimit të rrethanave" në Ukrainë dhe në kongresin e IBU-së në shtator, tha organi drejtues.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)