04 Gusht 2021

Beckham në Finlandë për të shpëtuar karrierën

Londër, 17 mars - Ëndrra përfundoi. Kur mungojnë vetëm 87 ditë nga Botërori 2010, David Beckham detyrohet që t’u japë fund shpresave për të luajtur në Afrikën e Jugut me Kombëtaren angleze.

I gjithë faji është i mbrëmjes së mallkuar të 14 marsit: e cila nisi shumë keq për mesfushorin, me një shkelm në fytyrë, u përkeqësua me një shans goli të shpërdoruar dhe u mbyll me dëmtimin, ndoshta më të rëndin në karrierën e Beckham.

Pas dëmtimit në “Tendinën e Akilit”, lojtari është nisur drejt Finlandës, për t’iu nënshtruar ndërhyrjes kirurgjikale. Pasi studiuan me kujdes situatën e 34-vjeçarit, stafi mjekësor i Milanit dhe menaxherët e britanikut vendosën që për operacionin të kujdeset doktori finlandez, Sakari Orava.

Në të kaluarën, në bisturinë e tij kanë kaluar atleti italian i unazave, Juri Keki, sprintierja e lindur në Xhamajkë, por që përfaqëson Slloveninë, Merlin Otei, Didië Deshamp, Pep Guardiola dhe Xhonatan Vudgejt.

Objektivi është që doktor Orava ti rikthejë Beckhamit futbollin e niveleve të larta, ndërsa pjesëmarrja në Kupën e Botës duket e pamundur për t’u realizuar.

Kjo u konfirmua nga vetë kirurgu: “Do të nevojiten afro tre muaj, përpara se Devid të gjuajë një top futbolli”. Dëmtimi i Bekham ka ardhur si një lajm i keq për Fabio Kapelon.

“Jam shumë i zhgënjyer për dëmtimin e David, pasi ai nuk do të jetë në gjendje të luajë në botëror. Është një mungesë me peshë për Anglinë”, tha trajneri i “Tre Luanëve”.

Edhe mediat britanike janë tronditur nga episodi në “San Siro”. “Një karrierë e shkëlqyer po shkon drejt një fundi të hidhur”, shkruante “Times”. 


Galliani: Beckham është njeri i veçantë

Zëvendëspresidenti i Milanit, Adriano Galliani, ka dhënë sinjale të forta se Rosonerët po planifikojnë që ta mbajnë David Beckhamin në skuadër.

Mesfushori anglez u dëmtua në tetivën e Akilit në ndeshjen ndaj Chievos, të cilën Milani e fitoi 1-0, ashtu që do të mungojë në Kampionatin Botëror dhe është vënë në dyshim karriera e tij.

“Dashuria ime për Beckhamin ka shpërthyer ndaj Fiorentinas vitin e kaluar. E kam parë atë duke vrapuar pas një lojtari kur ishim duke fituar 2-0 ndërsa pritej fishkëllima e fundit e arbitrit”.

“Ai është njeri i veçantë. Milani i dëshiron shërim të shpejtë, dhe mirëseardhje për sezonin e ardhshëm”, është shprehur Galliani.

Kalendari

Ngjarjet e datës 4 Gusht 2021 - Komisioni për Ekonomi, Industri, Ndërmarrësi dhe Tregti shqyrton propozim - vendimin e Qeverisë, për emërimin e Bordit të Agjencisë Kosovare të Privatizimit. (Ndërtesa e Kuvendit, salla N10, ora 9:30)

- Komisioni për Buxhet, Punë dhe Transfere shqyrton Projektligjin për ratifikimin e Amendamentit  të Marrëveshjes të lidhur ndërmjet Qeverisë së Republikës së Kosovës dhe Qeverisë Hungareze në lidhje me Programin Kornizë për bashkëpunim financiar. (Ndërtesa e Kuvendit, salla C203, ora 10:00)

- Komisioni për Ekonomi, Industri, Ndërmarrësi dhe Tregti shqyrton nismën legjislative “Projektligji për kriptovaluta”. (Ndërtesa e Kuvendit, salla N506, ora 13:00)

- Komisioni Qendror i Zgjedhjeve mban mbledhjen e radhës në të cilen do të shqyrtohet dhe miratohen rekomandimet për certifikim të subjekteve politike. (Selia e KQZ-së, ora 13:30)

- Aleanca Kosovare e Bizneseve organizon hapjen solemne të Resortit të vetëm në Kosovë "Kështjella Dardanicum" me tradite te vjeter te modelit te shqiptareve te lashte ku paraqet kulturën dhe traditen tone kombetare dhe ky investim eshte bere nga bashkeatdhetaret tane nga Britania e Madhe qe kap vleren rreth 4 milion euro. (Fshatin Kukaj, ora 18:00)

- Mbahet ceremonia inaguruese e Qendrës së parë për Arsim në Distanë. (Rr. "Rexhep Mala" nr. 49, Prishtinë, përballë ICK -së, ora 18:30)