18 Qershor 2021

Alonso: Nuk më tremb MekLareni

Madrid, 28 mars - Fernando Alonso nuk shqetësohet për vendin e 15 në provat e lira të Çmimit të Madh të Australisë dhe as për kohët e regjistruara nga MekLaren, që dominoi me Luis Hemilton.

Sipas pilotit të Ferrarit, kundërshtarja e vërtetë që duhet të mbahet nën kontroll është skuadra Red Bull: “MekLareni regjistroi xhiro të shpejta, pasi ata kanë bërë një punë të ndryshme nga e jona. Ferrari mendon për garën dhe jo për xhirot e shpejta. Megjithatë, për fat të keq, shiu nuk na lejoi që të mbyllnim punën e programuar për gomat. Nga ajo që pashë në dy seksionet e provave, kundërshtari që më shqetëson më tepër është Red Bulli”.

Alonso ruan qetësinë dhe pse reshjet në Melburn prishën planet e “kokëkuqes”: “Duhet të punojmë për besueshmërinë dhe rendimentin e gomave. Në garën e Bahreinit ishte e rëndësishme që të mbanim nën kontroll gomat e përparme, ndërsa këtu në Australi duhet të kemi kujdes edhe për gomat e prapme. Pavarësisht kësaj nuk jam aspak i shqetësuar”.

Edhe për sa i takon aerodinamikës së makinës, spanjolli duket se i ka idetë e qarta: “Momentalisht po punojmë rreth disa modifikimeve të vogla. Nuk më rezulton se skuadra po studion aplikimin e një zgjidhjeje të ngjashme me MekLarenin, ku pilotët mund të spostojnë krahun e pasmë me gju. Nuk më takon mua të them nëse duhet ta përshtasim këtë teknologji, por nëse skuadra vendos se kjo është një zgjidhje e nevojshme, nuk do të kisha probleme për ta përdorur. Më paguajnë për të qenë pilot dhe kjo është pjesë e punës sime”.

As Felipe Masa nuk shprehet shumë i zhgënjyer nga vendi i 17 në provat e lira. Braziliani i Ferrarit është dakord me shokun e skuadrës, duke theksuar se shiu komprometoi programin e punës. “Më vjen shumë keq, pasi me asfaltin e lagur nuk arritëm të përfundonim planin e punës. Të premteve ne punojmë për garën, ndërsa të tjerët përqendrohen vetëm te xhirot e shpejta”, tha ai.

Sipas Masës, pikat më të rëndësishme të garës në Melburn do të jenë: “Të paraqitemi mirë në provat zyrtare, të nisemi nga një pozicion mes kryesuesve dhe të bëjmë një start të mirë. Zgjidhja ideale do të ishte të kishim një makinë të balancuar, për të garuar në mënyrë konstante gjatë garës, por edhe besueshmëri, në mënyrë që të arrijmë deri në finish”.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)