18 Qershor 2021

10 golashënuesit e Kupës së Botës

Botë, 25 mars - Kur kanë mbetur edhe 78 ditë nga Kampionati Botëror në Afrikën e Jugut, le t’i hedhim një sy listës së dhjetë golashënuesve më të mirë të Kupës së Botës në vite. 10) Teofilo Cubillas (Peru) – 10 gola (1970, 1978, 1982).

Cubillas është futbollisti më i mirë i të gjitha kohërave për kombëtaren e tij. Ai udhëhoqi Perunë drejt çerekfinales në Kupën e Botës 1970. Gjithashtu, sulmuesi peruan mbahet mend për golin e mrekullueshëm që i shënoi Skocisë në vitin 1978.

9) Geri Lineker (Angli) – 10 gola (1986, 1990)
Lineker ishte golashënuesi më i mirë i Kupës së Botës në vitin 1986, ku realizoi gjashtë gola. Në Kampionatin Botëror të vitit 1990 sulmuesi anglez shënoi katër gola.

8) Gabriel Batistuta (Argjentinë) – 10 gola (1994, 1998, 2002)
Ish-sulmuesi argjentinas i Fiorentinës, Romës dhe Interit shënoi gjithsej dhjetë gola në tri Botërorë rresht: 1994, 1998 dhe 2002.

7) Helmut Rahn (Gjermania Perëndimore) – 10 gola (1954, 1958)
Rahn njihet për dy golat e shënuar në finalen e vitit 1954 kundër Hungarisë dhe gjithashtu shkëlqeu në kampionatin e atij sezoni në Suedi. Dhjetë golat në Botëror ai i shënoi në nëntë ndeshje gjithsej.

6) Jurgen Klinsman (Gjermani) – 11 gola (1990, 1994, 1998)
Klinsman ishte një sulmues tipik, i cili shënoi gjithsej 11 gola në tre kampionbate radhazi (1990, 1994 dhe 1998) dhe krijoi një bashkëpunim të shkëlqyer me partnerin e sulmit, Rudi Voller.

5) Sandor Kocsis (Hungari) – 11 gola (1954)
Ai luajti vetëm në një Kupë Bote, atë të vitit 1954, por ishte lojtari vendimtar i Hungarisë në atë Botëror me 11 gola, duke e udhëhequr kombnëtaren e tij drejt finales së humbur me Gjermaninë Perëndimore. Kjo ishte e vetmja ndeshje ku sulmuesi hungarez nuk shënoi.

4) Pele (Brazil) – 12 gola (1958, 1962, 1966, 1970)
“Mbreti” hyri në skenë që në moshën 17-vjecare në Kupën e Botës të vitit 1958 në Suedi, duke shënuar dy gola në finale kundër vendit organizator. Pele shënoi sërish në finale pas 12 vitesh kundër Italisë, ndeshje e cila përfundoi 4-1 për Brazilin.

3) Justin Fontaine (Francë) – 13 gola (1958)
Ashtu si Kocsis, sulmuesi francez luajti vetëm në një Boteror. Por akoma edhe sot, rekordi i tij prej 13 golash në një Botëror vazhdon të mbetet i pathyer.

2) Gerd Myler (Gjermania Perëndimore) – 14 gola (1970, 1974)
Myler është cilësuar si sulmuesi më i rezikshëm brenda zonës së rreptësisë. Ai realizoi dhjetë gola për Gjermaninë Perëndimore në Kupën e Botës në 1970, kurse katër vjet më pas shënoi katër gola.

1) Ronaldo (Brazil) – 15 gola (1994, 1998, 2002, 2006)
“Fenomeni” shpërtheu në Kupën e Botës 2002, ku realizoi tetë gola, përfshirë dy në finalen me Gjermaninë dhe e udhëhoqi Brazilin drejt suksesit të pestë në histori.


 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)