26 Janar 2022

QIKA mban aksion simbolik lidhur me aktgjykimin seksist të Gjykatës së Gjilanit

Prishtinë, 7 dhjetor - Qendra për Informim, Kritikë dhe Aksion (QIKA) së bashku me disa organizata të tjera feministe organizon aksion simbolik para Këshillit Gjyqësor të Kosovës lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012.  

QIKA vlerëson se arsyetimi i gjykatës për këtë vendim është skajshmërisht paragjykues në bazë të gjinisë dhe joprofesional.

Gjykata i arsyeton të akuzuarit për dhunim duke thënë se vajza kishte pranuar të udhëtoj me taksi me të akuzuarin edhe pse ai ishte i gjinisë mashkullore.

Pra për gjykatën, fakti që një vajzë udhëton me taksi me një burrë nënkupton pëlqimin e saj për marrëdhënie seksuale dhe të drejtën e bashkudhëtarit mbi trupin e saj!   

QIKA thekson se kjo nuk është hera e parë që viktimat e dhunimit seksual paragjykohen nga institucionet ku ato kërkojnë drejtësi.

"Andaj për neve është i papranueshëm ky aktgjykim dhe përmes aksionit simbolik do të kërkojmë nga Këshilli Gjyqësor i Kosovës që të ndërmarrë masa disiplinore ndaj gjykatësve të trupit gjykues të këtij rasti", thekson QIKA.

Menjëherë pas realizimit të aksionit, do të mbahet konferencë për media ku edhe do të prezantohet qëndrimi i QIKA-së karshi kësaj çështjeje.
 

Kalendari

Ngjarjet e datës 27 janar 2022

- Kuvendi Komunal i Gjilanit mban seancën e radhes. (Salla e mbledhjeve të Kuvendit të Komunës së Gjilanit, ora 10:00)

- Komuna e Rahovecit organizon homazhe dhe nderime për dëshmorët e kombit: Nesimi Elshani, Agron Fetahu, Halim Hoti dhe Hilmi Krasniqi, të rënë në Brestoc me 27 janar 1990. (Brestoc, ora 10:00)

- Kuvendi i Kosovës mban seancën e jashtëzakonshme në të cilën do të mbahet debat parlamentar për gjendjen e pandemisë COVID-19 në Republikën e Kosovës. (Kuvendi i Kosovës, ora 11:00)

- Komuniteti Bektashian i Kosovës Gjyshata Gjakovë organizon ngjarjen përkujtimore për një vjetorin e kalimit nga jeta të ish-Kryetarit të Komunitetit Bektashian të Kosovës, Baba Mumin Lama si dhe 47 vjetorin e kalimit nga jeta të Baba Musa Himaduna, njëkohësisht rivarrimin e tij në tyrben e baballarëve bektashian në Gjakovë. (Ambientet e Teqesë Bektashiane në Gjakovë pranë “Hani i Haraçisë”, ora 11:00)
 
- Komuna e Rahovecit organizon manifestimin përkujtimor e kulturor për dëshmorët e kombit: Nesimi Elshani, Agron Fetahu, Halim Hoti dhe Hilmi Krasniqi. (Salla e Kuvendit Komunal në Rahovec, ora 11:00)

- Me rastin e 30 vjetorit të Shtëpive-Shkolla, Kryetari i Komunës së Prishtinës, Perparim Rama së bashku me ekipin e tij, do ta vizitoj Muzeun “Shtëpitë-Shkolla” te familja Hertica, shtëpi këto që u shndërruan në shkolla në periudhën e rezistencës mbarë popullore kundër regjimit serb. (Kodra e Trimave, ora 12:00)

- Universiteti “Fehmi Agani” në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i kushtohet shkrimtarit, veprimtarit politik, laureatit të Çmimit Nobel për Paqe dhe të mbijetuarit të Holokaustit, Elie Wiesel.  (Shkolla e Muzikës “Prenk Jakova” në Gjakovë, ora 12:00)

- Institutit për Politika Zhvillimore mban konferencën lidhur me situatën energjetike në vend. (Zyret e INDEP, ora 14:00)

- Kuvendi i Kosovës mban seancë plenare. (Kuvendi i Kosovës, ora 15:00)