18 Tetor 2021

Ministri Mehaj udhëtoi për vizitë zyrtare në Turqi

Prishtinë, 16 shtator - Ministri i Mbrojtjes, Armend Mehaj udhëtoi për vizitë katër ditore në Republikën e Turqisë, me ftesë zyrtare të homologut të tij, ministrit të Mbrojtjes Kombëtare, Hulusi Akar.

Gjatë kësaj vizite, ministri Mehaj përveç takimit me homologun e tij, do të realizojë edhe vizita dhe takime në Komandën e Forcave Speciale, Akademinë Ushtarake, si dhe në kompanitë më të njohura turke të industrisë së mbrojtjes.

Gjithashtu, ministri Mehaj do të vizitojë edhe Ambasadën e Republikës së Kosovës në Turqi dhe Qendrën Kulturore Shqiptare në Ankara.

Vizita përkatëse realizohet në kuadër të objektivit të ministrit Mehaj për thellimin dhe intensifikimin e bashkëpunimit bilateral me vendet tona partnere. 

Kalendari

Ngjarjet e datës 18 Tetor 2021

 - Ministri i Financave, Punës dhe Transfereve dhe Auditorja e Përgjithshme e ZKA-së raportojnë para Komisionit për Mbikëqyrjen e Financave Publike lidhur me shqyrtimin e Raportit Vjetor të Auditimit për vitin 2020. (Ndërtesa e Kuvendit, salla N10, ora 10:00)

- Fondacioni Kosovar Trashëgimia Kulturore pa Kufij, CHwB Kosova organizon Ilucidare Playground: “Guralec: Moving Rocks” dhe Konferencën “Përtej mureve dhe bindjeve”. Kinema Jusuf Gërvalla në Pejë