24 Tetor 2021

Ministri Mehaj u prit në takim nga ministri i Mbrojtjes të Turqisë, Hulusi Akar

Prishtinë, 17 shtator - Ministri i Mbrojtjes, Armend Mehaj, vizitoi Ministrinë e Mbrojtjes Kombëtare të Republikës së Turqisë, ku u prit nga homologu i tij, ministri i Mbrojtjes Kombëtare, Gjeneral Hulusi Akar.

Në takimin në mes të dy ministrave u theksua se thellimi dhe intensifikimi i bashkëpunimit bilateral mes ministrive dhe forcave të të dy vendeve është dhe do të jetë në funksion të paqes, sigurisë dhe stabilitetit rajonal dhe më gjerë.

Me këtë rast, ministri Mehaj e falënderoi homologun e tij për rolin dhe kontributin e Ministrisë së Mbrojtjes Kombëtare të Turqisë, në ndërtimin dhe zhvillimin e Ministrisë së Mbrojtjes dhe FSK-së.

Nga ana e tij, ministri Akar, shprehu garancinë e plotë për vazhdimin e mbështetjes së Republikës së Turqisë  për Republikën e Kosovës në përgjithësi dhe në veçanti për Ministrinë e Mbrojtjes dhe FSK-në.

​ 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)