27 Janar 2023

Kosova dhe Franca nënshkrujnaë marrëveshje bashkëpunimi

Paris, 28 nëntor  - Delegacioni i prirë nga zëvendësministri, z. Bardhyl Dobra gjatë qëndrimit të tij në Francë, u takua me Ministrin e Transformimit dhe Shërbimit Publik të Republikës së Francës, z. Stanislas Guerini dhe ekipin e tij.

Profesionalizimi dhe modernizimi i administratës publike, tërheqja e talenteve, arsimimi dhe trajnimet në fushën e administratës publike, ishin ndër të tjera tema të diskutimit përmbajtjesor mes zëvendësministrit Dobra me ministrin Guerini.

Nga ky takim u kuptua se të dyja shtetet përballen me sfida të ngjashme dhe se reformat që të dyja qeveritë janë duke ndërmarrë për të transformuar administratat respektive kanë ngjashmëri të mëdha dhe se bazohen në parime të pranuara si të mirëqena në botën demokratike si: meritokracia, besimi i qytetarëve në institucione, de politizimi i administratës, mundësi të barabarta për të gjithë, mobilitet përbrenda administratës dhe bashkëpunim me sektorin privat, administratë efikase, shërbime publike kualitative për të gjithë qytetarët.

Ministri Guerini konfirmoi edhe një herë se ministria që ai drejton dhe institucionet vartëse si: Institut National du Service Public (ish-École nationale d'administration) janë të gatshme të përkrahin Ministrinë e Punëve të Brendshme të Republikës së Kosovës, në zbatimin e reformës ambicioze, të nevojshme e të kërkuar nga qytetarët e Republikës së Kosovës, reformë që në pikat kyçe është e ngjashme me atë që Republika franceze është duke bërë po ashtu.

Duke marrë parasysh vullnetin e përbashkët për të bashkëpunuar dhe këmbyer praktikat më të mira, për ta mbështetur njëri - tjetrin në mënyrë që reformat të jenë të suksesshme, të dyja palët nënshkruan marrëveshje bashkëpunimi, e cila fokusohet ndër të tjera në fuqizimin e burimeve njerëzore, përmirësimin e proceseve të rekrutimit dhe proceseve të tjera administrative, si dhe trajnimet në fushën e administratës publike.

Me këtë rast zëvendësministri Dobra dhe Ministri Guerini shprehën gatishmërinë që bashkëpunimi mes dy vendeve të thellohet edhe më tutje me takime të shpeshta të nivelit politik dhe profesional.


 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)