22 Shtator 2021

Ambasadorët njoftohen me Qendrën e Trajnimit për Kërkim-Shpëtim të FSK-së

Prishtinë, 9 shtator - Ministri i Mbrojtjes, Armend Mehaj i shoqëruar nga zv.komandanti i FSK-së, Enver Cikaqi, priti në takim ambasadorët e Norvegjisë, Suedisë dhe Finlandës.

Me këtë rast, ministri Mehaj i njoftoi ambasadorët me projektet dhe aktivitetet në proces në Ministrinë e Mbrojtjes dhe FSK, duke u fokusuar në objektivin e tij për zhvillimin dhe modernizimin e Qendrës Ndërkombëtare të Trajnimit për Kërkim-Shpëtim të FSK-së (QNTKSH).

Për këtë, ministri Mehaj theksoi se ky objektiv ndërlidhet me konceptin e “smart-defence” që nënkupton funksionalizimin e plotë të kësaj Qendre, sipas standardeve më të larta të qendrave të vendeve perëndimore, anëtare dhe partnere të NATO-s.

Më pas, ministri Mehaj, i shoqëruar nga ambasadorët, z. Grondahl,  znj.Ahliny dhe  znj. Stjernvall si dhe gjeneral Cikaqin, vizituan QNTKSH të FSK-së në Pomazatin, ku u pritën nga zv.komandanti i Gardës Kombëtare të FSK-së, kolonel Shaip Haziri dhe drejtori i kësaj Qendre, John Doone.

Gjatë kësaj vizite, ambasadorët patën rastin të njoftohen për së afërmi me historikun e Qendrës, misionin, strukturën organizative, të arriturat e deritashme personelin, pajisjet, infrastrukturën, stacionarët e trajnimit, aktivitetet e deritashme, sfidat dhe vizionin për të ardhmen.

Të tre ambasadorët shprehën përshtypjet e thella me ato që u prezantuan dhe shprehën gatishmërinë e tyre që të mbështesin objektivin e ministrit Mehaj nga kapacitetet e tyre shtetërore, respektivisht qendrave të tyre nacionale, të fushës përkatëse.

 

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)