05 Tetor 2022

USAID-i dhuron pajisje për ruajtjen e sigurt të vaksinave

Prishtinë, 13 maj - Sot, drejtoresha e misionit të USAID-it Zeinah Salahi i’u bashkëngjit zëvendësministres së Shëndetësisë Dafina Gexha-Bunjaku dhe përfaqësueses së UNICEF-it në Kosovë Nona Zicherman, për të festuar pranim-dorëzimin e pajisjeve të domosdoshme të zinxhirit të ftohtë për të siguruar ruajtjen adekuate dhe transportin e sigurt të vaksinave.

Pranim-dorëzimi i sotëm i këtyre pajisjeve shënon fazën e parë të zëvendësimit të zinxhirit të gjithmbarshëm të ftohtë të vaksinave në Kosovë. Kjo përpjekje e mbështetur nga ana e USAID-it do të rrisë kapacitetet e ruajtjes së vaksinave në të gjitha nivelet, nga magazina qëndrore e vaksinave pranë Institutit Kombëtar të Shëndetit Publik (IKSHP) deri tek qendrat e mjekësisë familjare (QKMF-të) në të gjitha 38 komunat në Kosovë.

Siç theksoi drejtoresha e misionit të USAID-it Zeinah Salahi në fjalën e saj hyrëse, “Sot po shpërndajmë pajisje që janë një komponent i rëndësisë thelbësore për marrjen e sigurt të vaksinave kundër COVID-19 nga të gjithë njerëzit në vend që kanë nevojë për to. Në fakt, këto pajisje të dhuruara nuk do të ndihmojë vetëm programin e vaksinimit kundër COVID-19, por cilindo nga programet e imunizimit në Kosovë që ka nevojë për magazinim të ftohtë të vaksinave – veçanërisht imunizimet rutinore të fëmijëve, një shërbim thelbësor ky i shëndetit publik.”

Resurset e siguruara për Ministrinë e Shëndetësisë përfshijnë pesë dhoma të reja të ftohjes për magazinën qëndrore të vaksinave pranë Institutit Kombëtar të Shëndetit Publik si dhe 270 frigoriferë dhe ngrirës. Pajisjet në fjalë do të sigurojnë që të gjitha vaksinat të mund të mbahen në temperaturën e duhur. Përveç kësaj, financimi i USAID-it do të mbështesë trajnimet për stafin e Ministrisë së Shëndetësisë në përdorimin dhe mirëmbajtjen e pajisjeve të zinxhirit të ftohtë dhe zhvillimin e një sistemi të dixhitalizuar për monitorim dhe menaxhim më të mirë të rezervave të vaksinave.

Që nga fillimi i COVID-19 në Kosovë, Shtetet e Bashkuara kanë ndihmuar Kosovën në luftimin e COVID-19 dhe zbutjen e pasojave të tij tek të gjitha komunitetet në vend, përfshirë edhe ato më të margjinalizuarat. Nga gushti i vitit 2021, Shtetet e Bashkuara kanë dhuruar mbi 1 milion doza, të vaksinave të sigurta dhe të efektshme Pfizer kundër COVID-19 për popullin e Kosovës. USAID-i -- në partneritet me Qeverinë e Kosovës, UNICEF-in dhe akterët tjerë kyq -- ka punuar me punonjësit e vijës së parë dhe komunitetet për të ngadalësuar përhapjen, ofruar kujdes për të prekurit dhe pajisur Kosovën me mjetet e nevojshme për luftimin e COVID-19. USAID-i, përmes UNICEF-it, gjithashtu po vazhdon të mbështesë përpjekjet që po bëhen në komunikim dhe ndërgjegjësim publik në Kosovë për të inkurajuar parandalimin e COVID-19 dhe vaksinimin kundër tij. Mbështetja tjetër nga ana e USAID-it ka përfshirë shpërndarjen e 249 pakove higjienike nëpër qendrat shëndetësore; 7,750 kompleteve higjienike për familjet; 2,400 komplete higjienike për nënat dhe foshnjet në të gjitha 38 komunat e Kosovës; dhe komplete higjienike në 660 shkolla fillore dhe të mesme. Krahas kësaj, Shtetet e Bashkuara dërguan pajisje laboratorike testimi dhe skanerë termikë për t'u vendosur në hyrjet e pikave kufitare në Kosovë, duke përfshirë aeroportin e Prishtinës dhe katër pika kufitare tokësore.

 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)