06 Dhjetor 2022

Urgjenca përfiton donacion mbi 16 mijë euro nga OBSH

Prishtinë, 11 gusht - Qendra e Urgjencës Mjekësore, e cila funksionon në kuadër të shëndetësisë primare në Komunën e Prishtinës ka përfituar sot një donacion prej 16.491 eurove nga Zyra e OBSH-së në Kosovë.

Ceremonia e dorëzimit të këtyre pajisjeve esenciale për kurset e trajnimit në emergjenca mjekësore, dhe të cilat do të përdoren për aktivitetet trajnuese në të ardhmen,  me qëllim të avancimit profesional të punëtorëve shëndetësorë që punojnë në sektorin e emergjencave mjekësore, është mbajtur në këtë qendër, ndërsa përfaqësues të OBSh-së, Ministrisë së Shëndetësisë dhe të Qeverisë së Luksemburgut, e kanë vlerësuar donacionin si rezultat të bashkëpunimit të shkëlqyeshëm midis këtyre faktorëve ne shëndetësi dhe të dobishëm për emergjencat mjekësore.

Dr. Skënder Syla, shef i Zyrës së OBSH-së në Kosovë, tha se kjo organizatë, në vijim të programeve të saja për asistencë në fushën e shëndetësisë në Kosovë, do të mbështetës edhe më tej avancimin e shërbimeve shëndetësore këtu, duke u krijuar profesionistëve mundësinë që emergjencat mjekësore t’i trajtojnë në mënyrat më të avancuara sot.

Dr. Lulzim Çela, këshilltar i ministrit të Shëndetësisë, Bujar Bukoshi, ka falënderuar donatorët dhe mbështetësit e shëndetësisë kosovare, duke theksuar faktin se pajisjet e reja dhe zhvillimi edhe i kapaciteteve të tjera, do të mundësojnë që të zbatohen objektivat e parashtruar në Strategjinë e zhvillimit të sektorit shëndetësor në Kosovë.

Pierre Weber, përfaqësues i Qeverisë së Luksemburgut në Kosovë, ka uruar stafin mjekësor të Qendrës së Urgjencës Mjekësore të kryeqytetit dhe ka shprehur besimin për përdorim efikas të donacionit në funksion të përparimit të shëndetit.

Kurse, drejtori i Qendrës së Mjekësisë Urgjente, dr. Haki Dragusha, ka theksuar se punonjësit e kësaj qendre, që janë 83, do të jene mirënjohës për ndihmën dhe do të punojnë që qytetarët të gëzojnë shërbimet mjekësore që i meritojnë.

Ky donacion me pajisje për trajnim dhe intervenime urgjente para-spitalore është mundësuar në kuadër të projektit “Përmirësimi dhe fuqizimi i Shërbimeve Para-spitalore dhe atyre emergjente mjekësore”, i financuar nga Qeveria e Luksemburgut.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)