06 Dhjetor 2022

Turqit interesohen për invesime në shëndetësinë e Kosovës

Prishtinë, 14  maj - Ministri i Shëndetësisë i Republikës së Kosovës, Bujar Bukoshi, me bashkëpunëtorë, priti sot Ambasadorin e Republikës së Turqisë në Kosovë, Metin Husrev Unler, bashkë me krerët e “International Medicine Hospital” nga Turqia.

Ministri Bukoshi ka falënderuar Ambasadorin turk për asistencën e vazhduar që shteti i Turqisë i ka dhënë Kosovës në shëndetësi, duke ju ofruar në të njëjtën kohë mundësinë që bashkëpunimi në shëndetësi midis Kosovës e Turqisë të intensifikohet vijim sidomos në fushat si Kardiologjia, Kardiokirurgjia, Mjekimi Intensiv, Pediatria, etj.

“Shëndetësia kosovare ka trashëguar probleme të mëdha, ndërsa tani kemi ambicien që spitalet dhe klinikat tona t’i transformojnë në institucione që ofrojnë shërbime të standardeve të larta sikur ofrohen në shtetet me shëndetësi të zhvilluar si në SHBA, Turqi”, tha ministri Bukoshi.

Në emër edhe të përfaqësuesve të “International Medicine Hospital” nga Turqia, Ambasadori Unler ka folur për investimet që shteti turk është duke i bërë në shëndetësinë kosovare, përfshirë këtu projektin e Organizatës qeveritare TIKA për renovimin e Gjinekologjisë dhe Obstetrikës në sistemin publik, ashtu edhe investimet në sistemin privat, ku aktualisht investitorët turk janë duke punuar në ngritjen e “International Medicine Hospital-Kosova” për Kardiologji e Kardiokirurgji, një spitali për IVF dhe një Qendre të Rezonancës Magnetike.
 

Në të gjitha këto investime, Ambasadori turk, tha se do të respektohen ligjet e shtetit të Kosovës , ndërsa Ministri Bukoshi, tha se Ministria e Shëndetësisë do të mundësojë që brenda kornizave ligjore, në shëndetësinë kosovare të zhvillohet një konkurrencë serioze midis ofruesve të shërbimeve shëndetësore nga sistemi publik dhe ai privat, nga vendi dhe jashtë, me qëllim të ngritjes së nivelit të shërbimeve shëndetësore dhe forcimit të partneritetit në shëndetësi.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)