03 Gusht 2021

Turqia kontribuesja më e madhe në shëndetësinë e Kosovës

Prishtinë, 11 mars - Ministri i Shëndetësisë i Republikës së Kosovës, Dr. Ferid Agani, priti sot në një takim Ambasadoren e Republikës së Turqisë në Kosovë, znj. Songul Ozan.

Në këtë takim, ministri Agani ka pranuar urimet e Ambasadores për detyrën e Ministrit të Shëndetësisë dhe e ka falënderuar Republikën e Turqisë për kontributin e dhënë në shëndetësinë kosovare dhe për Kosovën në përgjithësi.

Ministri Agani e ka njoftuar Ambasadoren Songul për sfidat e shëndetësisë kosovare, preokupimet dhe prioritetet e MSh-së dhe ka shprehur përkushtimin e plotë për thellimin e bashkëpunimit midis dy vendeve mike, posaçërisht midis institucioneve shëndetësore të Turqisë dhe të Kosovës.

Republikë e Turqisë është një prej kontribuuesve më të mëdhenj në fushën e shëndetësisë në Kosovë me donacione dhe asistencë teknike e profesionale dhe një prej vendeve që ka trajtuar një numër të madh të pacientëve kosovarë falas në institucionet shëndetësore të këtij shteti për ato shërbime shëndetësore që ende nuk janë funksionale në shëndetësinë kosovare. 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)