03 Gusht 2021

Thellohet bashkëpunimit Kosovë-Maqedoni në shëndetësi

Shkup, 14 mars - Ministri i Shëndetësisë i Republikës së Kosovës, Dr. Ferid Agani, ka kryesuar sot një delegacion të Ministrisë së Shëndetësisë në një takim me Ministrin e Shëndetësisë të Republikës së Maqedonisë, dr. Bujar Osmani, me bashkëpunëtorë, të mbajtur në Shkup.

Ky takim midis ministrave Agani e Osmani kishte në theks të veçantë shqyrtimin e aktualiteteve shëndetësore në dy të shtetet dhe mundësitë e thellimit të bashkëpunimit të mëtejmë në bazë të Marrëveshjes së bashkëpunimit, të nënshkruar vjet midis ministrive homologe të shëndetësisë nga Kosova e Maqedonia, e cila është në fuqi prej janarit të këtij vitit pas ratifikimit të dyanshëm.

Në këtë takim të ministrave është vendosur për krijimin e Grupeve të përbashkëta punuese për sfera të përbashkëta të cilat do t’i trajtojnë çështjet e bashkëpunimit të ndërsjellë me theks të veçantë në përmirësimin e kushteve për trajtimin e qytetarëve nga Republika e Kosovës në Republikën e Maqedonisë si dhe shtimin e mundësive për specializimin e kuadrove të drejtimeve mjekësore dhe atyre infermierike si dhe të lëmive deficitare nga Kosova në Maqedoni.

Përveç bisedave me ministrin Osmani dhe ekipin e tij, delegacioni i Kosovës, të shoqëruar nga Ministri Osmani dhe ekipi i tij kanë vizituar edhe Institutin për Radio-onkologji në Shkup.   

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)