06 Gusht 2021

QKUK rikthen orarin e vizitave të familjarëve përpacientët

Prishtinë, 18 mars - Qendra Klinike Universitare e Kosovës, ka vendosur të rikthej orarin e vizitaveë, për pacientët e shtrirë në repartet dhe klinikat e saja. Shpend Fazliu zëdhënës i QKUK-së ka thënë se me vendimin e ri, vizitat familjare do të mund të bëhen nga ora 14:00 deri në ora 15:00. 

"QKUK-ja, kërkon nga familjarët e pacientëve dhe gjithë qytetarët  e Republikës së Kosovës që dëshirojnë të bëjnë vizita për pacientët e shtrirë, t’i përmbahen këtij vendimi", ka theksuar Fazliu.

Mos zbatimi i këtij vendimi dhe prania e madhe e palëve nëpër repartet dhe klinikat e QKUK-së sipas tij e vështirëson punën e stafit mjekësor, e po ashtu ndikon keq edhe në higjienën e hapësirave dhe në kryerjen normale të punës.

"Me vendimin e mëhershëm, pas rekomandimit të Oorganizatës Botërore të Shëndetësisë dhe Inspektoratit Sanitar të Republikës së Kosovës, ishin ndaluar të gjitha vizitat e familjarëve brenda objekteve të QKUK-së, për shkak të rrezikut të përhapjes së Pandemisë së Gripit të derrave apo virusit A H1N1", ka potencuar Fazliu. 

Ai ka thënë se QKUK-ja, shpreson se qytetarët e Republikës së Kosovës do ti përmbahen këtij vendimi, pasi që ai është në të mirë të  trajtimit të pacientëve të shtrirë, ngase prania e madhe e palëve shkakton telashe dhe presione të mëdha në adresë të stafit shëndetësor.
 

Kalendari

Ngjarjet e datës 6 Gusht 2021

 - Mbahet mbledhja e Komisionit për Shëndetësi dhe Mirëqenie Sociale në të cilën do të diskutohet procesi i monitorimit të Ligjeve. (Ndërtesa e Kuvendit, salla N10, ora 9:00)

- Nënshkuhet Memorandumi me Ambasadën e Norvegjisë “Mbështetje për Kuvendin e Republikës së Kosovës, kryetarin e Kuvendit dhe kabinetin e tij, komisionet dhe grupet parlamentare, nën kornizën ‘Fuqizimi i paqes dhe shtetndërtimit dhe avancimi i agjendës evropiane për Kosovën’. (Kabineti i kryetarit të Kuvendit, ora 10:40)  

- Kuvendi i Republikës së Kosovës vazhdon seancën plenare. (Kuvendi i Kosovës, ora 11:00)

- Mbahet konferencë për medie lidhur me koncertin e Ramë Lahajt. (Hotel “Opera” në Prishtinë, ora 14:30)