23 Shtator 2021

QKUK, për një vit ka kryer 14.901 operacione

Prishtinë, 24 dhjetor - Në Qendrën Klinike Universitare të Kosovës (QKUK), është mbajtur konferenca e fundvitit, me ç\'rast është prezantuar puna, sukseset, sfidat dhe problemet me të cilat është ballafaquar institucioni më i lartë shëndetësor i vendit.

Dr Lulzim Emini, Ud. i Drejtorit Ekzekutiv, tha se këtë vit janë realizuar 268.359 vizita në ambulancat specialistike të QKUK-së, janë trajtuar 82.960 pacientë të shtrirë për mjekim në klinika të ndryshme, me 489.443 ditë mjekimi.

Sipas tij, janë kryer 14.901 operacione, prej tyre 12.695 me anestezion total, kurse 1.682 operacione në Qendrën Emergjente.

Ai tha se janë kryer 10.390 lindje, prej tyre 2.812 me operacione apo prerje cezariane, ndërsa shtoi se janë kryer 105.893 analiza të ndryshme laboratorike në Biokimi.

Emini më tutje pohoi se në Qendrën Emergjente janë kryer 71.396 vizita mjekësore në qendrën Emergjente, 12.388 reanimime, përderisa ka pasur 22.512 dializa të kryera në QKUK. Sipas tij, edhe pse buxheti ka qenë shumë i limituar, ai është shpenzuar në mënyrë racionale Ai pohoi se janë kryer një numër i konsiderueshëm i investimeve kapitale, që në masë të konsiderueshme do ta përmirësojnë gjendjen në QKUK.

Dr Emini, shtoi se është bërë rinovimi i Klinikës së Pediatrisë, deri në nëntor 83.9%, po kryhen punët përfundimtare, sistemi qendror i gazrave medicinale, 96.2%, në përfundim e sipër. Sa i përket furnizimit me barna, ai theksoi se furnizimi nga M.SH. për vitin 2010, ka qenë përafërsisht:Barna të Listës Esenciale 65%,Citostatik të Listës Esenciale 45%Material shpenzues të Listës Esenciale 50%.

Gjithashtu kemi pasur donacione të ndryshme me material shpenzues, penj kirurgjik, apo edhe barna të listës Esenciale apo jashtë saj, me të cilat ju kemi ndihmuar jo vetëm pacientëve hospitalor por edhe pacientëve ambulator.

\"Ndërkohë që, terapitë për sëmundjet e rralla si Ethet hemoragjike, Hepatitet Kronik B dhe C, AIDS, Sklerozë multiple, pickimet e gjarpërinjve, Hemodializë etj, i janë ofruar pacientëve pa
ndërprerje\", pohoi dr Emini.

I pari i QKUK-së, bëri të ditur se edhe QKUK-ja, ka bërë disa blerje të barnave, material shpenzues, dezinfektues dhe barna: 500 000 euro, reagensë dhe material shpenzues për Biokimi: 200 000 euro, reagensë dhe material shpenzues për Mjekësi Nukleare: 27 000 euro, reagensë dhe material shpenzues për Institutin e Patologjisë dhe Fiziologjisë 52.000 euro.

\"Gjatë këtij viti janë blerë përmes tenderëve publik 38 lloje të aparaturave për klinika të ndryshme, duke filluar nga mikroskopët, analizatorët klinik biokimi, elektrokardiograf,
defibrilatorë, pulsiksometra, video EEG dhe pajisje të tjera\", tha Emini në konferencë.

Ai bëri të ditur se QKUK-ja, aktualisht ka, 537 mjekë specialistë1.751 infermiere, 570 punëtorë jo mjekësor. UD i Drejtorit Ekzekutiv, foli edhe për Institutin e Onkologjisë dhe
Kardiokiurgji, duke sqaruar se planifikohet që më 2011, të fillojnë së funksionalizuari edhe këto dy shërbime, kurse nga e marta do të filloi aplikimi i terapisë citostatike në kuadër të Institutit të Onkologjisë.


 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)