24 Shtator 2021

QKUK ofon ndihmën shëndetësore edhe gjatë festës së Vitit të Ri

Prishtinë, 30 dhjetor - Qendra Klinike Universitare e Kosovës (QKUK), njofton gjithë  qytetarët e Republikës së Kosovës, se edhe gjatë festës së Vitit të Ri, do të ofrojë ndihmën shëndetësore për të gjithë ata pacientë që kanë nevojë për mjekim. 

Shpend Fazliu Zëdhënës i QKUK-së ka thënë se QKUK-ja ka organizuar ekipet kujdestare në të gjitha klinikat dhe shërbimet e saja, e të cilat do të jenë të gatshme të pranojnë pacientët për mjekim. 

\"Pacientët që kanë nevojë për mjekim, fillimisht duhet të trajtohen në kuadër të Qendrës Emergjente, ku ekipet e mjekëve specialistë të emergjencës do të  bëjnë ekzaminimet e para mjekësore, kurse më pas nëse ka nevojë, varësisht nga natyra e sëmundjes, pacientët referohen edhe  në klinikat  e tjera\", ka theksuar Fazliu.

Po ashtu, si çdo vit tjetër sipas tij Klinika Obstetrike Gjinekolgjike  do të punojë me kujdestari 24-orë.

Fazliu ka thënë së QKUK, apelon dhe kërkon nga gjithë qytetarët e Republikës së Kosovës, të jenë shumë të kujdesshëm gjatë festimeve, sidomos gjatë përdorimit të mjeteve piroteknike nga fëmijët. Ju rikujtojmë se viteve të kaluara në Qendrën Emergjente, si pasojë e lëndimeve nga përdorimi i mjeteve piroteknike, ndihmën mjekësore e kanë kërkuar numër i madh i pacientëve.

Viti 2008, ka pasur 120 raste të lëndimeve nga mjetet piroteknike, vitin 2009, 67 raste. Pra, keni kujdes gjatë përdorimit të mjeteve piroteknike  mbroni  fëmijët tuaj nga lëndimet e mundshme. QKUK, shfrytëzon rastin, tu uroj Vitin e Ri 2011, gjithë qytetarëve të Republikës së Kosovës.

Kalendari

Ngjarjet e datës 25 Shtator 2021

- Federata e Pingpongut organizon 3 xhirot e radhës në ligën e juniorëve dhe 1 xhiro në ligen e junioreve ku do te mbahet ndeshja ndërmjet ‘Ahmet Hoxha MK’ vs ‘Lidhja e Prizrenit’. (SHMU Tefik Çanga në Ferizaj, ora 10:00)

- Kryetari i Komunës dhe njëherësh kandidati për kryetar të Komunës nga Lëvizja Vetëvendosje! në Prizren, Mytaher Haskuka, do të vizitojë fshatin Nashec. (Oborri i shkollës së fshatit Nashec, ora 18:00)