01 Gusht 2021

QKUK, Lëshohet në punë sterlizatori i ri

Prishtinë, 10 mars - Pas një pune të  madhe të menaxhmentit  të Qendrës Klinike Universitare të Kosovës (QKUK), është lëshuar  në  punë Sterilizatori i ri për asgjësimin e mbeturinave mjekësore, investim ky i  bërë  vitin e kaluar nga ana e Ministrisë  së  Mjedisit dhe Planifikimi Hapësinor. 

Zëdhënësi i QKUK-së Shpend Falziu ka thënë së në këtë sterilizatorë do të bëhet sterilizmi apo inertizimi i mbetjeve mjekësore , pa krijuar ndotje të ambientit. 

Përmes këtij Sterilizatori sipas Fazliut do të bëhet inertizimi i mbeturinave medicinave me metodat më të avancuara, përmes avullit në temperaturë 140 gradë celsius.

\"Kjo metodë do të mundësoj bluarjen e mbeturinave, me ç’rast  zvogëlohet sasia e mbetjeve dhe më tutje nuk paraqesin rrezik  për ambientin e jashtëm\", ka theksuar ai.

Fazliu po ashtu ka theksuar se kjo metodë efikase e asgjësimit të mbetjeve mjekësore , do të zvogëloj praninë  e infeksioneve në QKUK dhe në deponitë e mbeturinave. 

Me futjen në punë të Sterilizatorit të ri, metoda e vjetër  e asgjësimit nuk do të përdoret, kurse përdorimi i këtij sterilizatori do të kursej edhe buxhetin e QKUK-së. 

\"Mbikëqyrjen  e punës në sterilizatorë  dhe mënyrën se si po menaxhohen mbeturinat mjekësore do ta bëjë Inspektorati Mjedisor i Kosovës, Inspektorati Sanitar i Republikës së Kosovës, e po ashtu Inspektorati i Agjencisë për Produkte Medicinale.\"

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)