23 Shtator 2021

QKUK kryhen 9 stentime, pacientët në gjendje të mirë shëndetësore

Prishtinë, 17 maj - Në Repartin  e Kardiologjisë Invazive të Qendrës Klinike Universitare të Kosovës, pas më shumë se një viti ndërprerje,  me sukses të plotë ka vazhduar vënia e stentave dhe është shtuar numri i koronarografive të kryera gjatë ditës

Ud. i Shefit të Repartit të Kardiologjisë Invazive, Dr Basri Sejdiu, tha se  pas më shumë se 1 viti pauze, falë ndihmesës, përkrahjes  dhe organizimit të mirë të punës që ka bërë Ud. Drejtori Ekzekutiv i QKUK-së, dr. Lulzim Emini, është arritur që 3 javët e fundit të kryhen 9 stentime, përderisa vitin e kaluar ishin realizuar vetëm 3 sosh, kurse nga ajo kohë më nuk ishin realizuar fare.

“Brenda dite   kryhen 5 koronarografi , kurse javët  e fundit kemi kryer 9 stentime,  me  organizimin e mirë të punës parashihet që  brenda 1 vitit të kryhen rreth 1.300 koronarografi dhe rreth 300 stentime”, deklaroi dr. Sejdiu.

Sipas tij, ekipi i mjekëve që punojnë në Kardiologji Invazive përbëhet nga 7 mjekë dhe  8 teknikë  të profilizuar dhe trajnuar  jashtë vendi.

Ai tha se deri në mos kryerjen e tentimit në QKUK, pacientët janë detyruar që këto ndërhyrje t’i kryejnë në shërbimin privat, kurse kjo ka qenë shumë e shtrenjtë për xhepin e tyre.   Dr. Sjediu sqaroi se deri në muajin Shtator janë të furnizuar me materialin shpenzues të nevojshme për të kryer këto punë.

Në anën tjetër, Dr. Lulzim Emini, Ud. Drejtor Ekzekutiv, tha se ajo çka ka munguar në Kardiologji Invazive ka qenë  mungesa e organizimit të mirë të punës. 

“Që nga fillimi i punës sime si Ud. Drejtor Ekzekutiv, jam marrë intensivisht me organizimin më të mirë të punës, kurse falë punës dhe angazhimit të stafit është arritur që të kryhen 9 stentime, kurse gjendja e pacientëve është e mirë”, pohoi dr. Emini. 

Sipas tij, deri tani në mungesë të këtij shërbimi, pacientë kanë bredhur nëpër klinikat private, kurse funksionalizimi i këtij shërbimi do të jetë lajm i mirë për pacientët.  

Ai potencoi se tani Reparti i  Kardiologjisë Invazive është nën menaxhim të njerëzve që  janë të  përgatitur profesionalisht dhe të gatshëm t’u përgjigjen sfidave.
 

  

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)