18 Qershor 2021

QKUK është pasuri nacionale dhe jo pronë e një partie

Prishtinë, 24 qershor - Aleanca për ardhmërinë e Kosovës e ka përcjellë me vëmendje situatën e re në shëndetësi, të krijuar pas vendimit të ministrit të Shëndetësisë të Republikës së Kosovës, për suspendimin e z. Ali Sadria nga posti i drejtorit ekzekutiv të Qendrës Klinike Universitare të Kosovës.

AAK e vlerëson këtë akt edhe si një dëshmi se kjo qeveri nuk ka as ide dhe as kapacitete të nevojshme për të zgjidhur situatën e rëndë në të cilën gjendet shëndetësia.

\"Implikimet e strukturave të larta politike të partive ne pushtet, në marrjen e vendimit për suspendim dhe arsyetimi zyrtar se shkarkimi po bëhet për shkak të dallimeve ideore në mes të ministrit Bukoshi dhe drejtorit Sadria, si dhe dyshimet e ngritura se arsye mund të jenë edhe suspendimet e disa ish-zyrtarëve të QKUK-së, shpronësimet e pasurive të këtij institucioni dhe vendosmëria e drejtorit Sadria për t’i zbuluar keqbërësit, definitivisht tregojnë se këto ndryshime nuk kanë të bëjnë me përpjekjet për përmirësimin e gjendjes në QKUK, por janë çështje e lojaliteteve të lëkundura dhe demonstrimit të fuqisë.\"

Për AAK-në kjo është e papranueshme. Qendra Klinike Universitare është pasuri nacionale. Ajo nuk është pronë e vetëm një partie ose e vetëm një qeverie dhe nuk guxon të jetë rob i aftësisë së tyre për ta udhëhequr.

Prandaj, AAK fton ministrin Bukoshi që të ngrit një forcë punuese, me bazë të gjerë, që do të punojë në projektin zhvillimor për QKUK-në. Bazë e këtij projekti duhet të jenë pavarësia e plotë financiare dhe menaxheriale, ndarja e shërbimeve sekondare nga shërbimet terciare dhe riorganizimi funksional i njësive të saj.

Këtë koncept të përpunuar në projektin me emër “Qendra e Re Klinike Universitare e Kosovës”, Grupi i Ekspertëe të AAK-së për Shëndetësi e ka bërë publike disa herë dhe do të ishte i gatshëm ta paraqesë edhe para një grupi të tillë, si mundësi për ta nxjerrë shëndetësinë kosovare nga kolapsi në të cilin e kanë futur padrejtësitë politikat e gabuara qeveritare për shëndetësinë.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)