03 Gusht 2021

Prezantohet puna e tre klinikave të QKUK-së

Prishtinë, 15 mars - Klinika e Kirurgjisë së Fëmijëve, Klinika e Kirurgjisë  Maksilo Faciale dhe Klinika e Syve, të martën  në një konferencë të organizuar për media, kanë prezantuar punën e tyre. 

Prof. dr. Nexhmi Hyseni, Drejtor i Klinikës së Kirurgjisë së Fëmijëve, me këtë rast sqaroi se  në kuadër të klinikës me të cilën ai menaxhon,  ofrohen shërbime nga kirurgjia neonatale, kirurgjia abdominal, urologjia pediatrike emergjente , traumat e abomenit dhe kirurgjia ditore me shërbimet specialisitike.

“Numri i përgjithshëm i pacientëve në klinikë ka qenë 1.889,  prej tyre 581 operacione elektive, 573 operacione emergjente, apo në total 1.154 intervenime kirurgjike”, shpjegoi Prof. Hyseni.

Sipas tij, Kirurgjia e Fëmijëve, ka gjithsej 35-40 shtretër  për pacientë, dy salla operative, 1 ambulantë specialisitke, 9 mjekë specialistë dhe  21 infermiere me 4 instrumentare.

Ai bëri të ditur se Klinika e Kirurgjisë Pediatrike, është e anëtarësuar në Kongresin Botërore të Kirurgjisë Pediatrike, po ashtu mjekët e klinikës janë pjesëmarrës në simpozuime dhe ëorkshope ndërkombëtare. 

Sipas tij, në Klinikën e Kirurgjisë Pediatrike, nuk ka vdekur asnjë fëmijë gjatë apo pas operacionit. 

Punën e realizuar në Klinikën  e Kirurgjisë Maksilofaciale, e prezantoi Prof.dr Osman Sejfia, Drejtor i kësaj Klinike, i cili veç tjerash,  tha se në klinikën me të cilën ai menaxhon, vjet  janë bërë 457 pranime, 7.289 vizita specialisitke, 432 operacione me anestezion lokal dhe 314 operacione me anestezion të përgjithshëm. 

“Në kuadër të klinikës ekziston  Reparti i Traumatologjisë dhe infeksioneve, Reparti Onkologjik, Reparti i Kirurgjisë Ortognatike dhe anomalive kongjenitale, trakti operative ai  gjysëmintensiv dhe ambulanca specialistike” sqaroi prof. Sejfia.  

Ai pohoi se Klinika  ka  7 specialistë, 11 infermiere të gatshëm për të ofruar shërbime profesionale për pacientët që kanë nevojë. 
Për punën e Klinikës së Syve, foli  Prof. dr Kelmend Spahiu, Drejtor i Klinikës së Syve, i cili  prezantoi statistikat e punës, sipas të cilave më 2010,  në këtë klinikë ka pasur 1.522 pacientë të pranuar, prej tyre 671 nga rajoni i Prishtinës dhe 829 nga viset tjera të Kosovës.

Sipas tij, në Ambulancën Specialistike, janë vizituar 27.808 pacientë, përderisa janë kryer 1.683 operacione, kurse mesatarja e qëndrimit të pacientëve në klinikë, ka qenë 7.2 ditë. “ Klinika e Syve ka 20 mjekë oftalmologë, 2 salla  operative, 4 ambulanca specialistike, 4 kabinete pune”, përfundoi dr Spahiu. 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)