04 Shkurt 2023

PIPS prezanton efektet e deritanishme të pandemisë

Prishtinë, 10 mars - Instituti i Prishtines per Studime Politike (PIPS) do të mbajë tryezë diskutimi me temë "Ndikimi politik i pandemisë COVID-19 në Kosovë".

Tryeza ka për qëllim të shtjelloj efektet e deritanishme të pandemisë, të analizoj rrjedhshmërinë e politikave ad hoc, si dhe të reflektoj mbi mësimet e marrura nga kjo përvojë dy vjeçare.

Me fokus të veçantë do të diskutohet polarizimi politik si faktorë në krizën politike dhe qeverisjen në kohë pandemie, ndikimi i masave kufizuese të pandemisë në të drejtat e njeriut, kriza ekonomike, si dhe kufizimet financiare dhe materiale në funksionimin e OSHC-ve dhe mediave.

Në këtë tryeze PIPS prezanton analizen e politikave me titull "Ndikimi politik i pandemisë COVID-19 në Kosovë” ku do të elaborohen të gjeturat nga ky hulumtim.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)