09 Dhjetor 2022

Përmbyllët projekti i BE-së për ndihmë humanitare ndaj COVID-19

Prishtinë, 23 nëntor - Për të shënuar përfundimin e aktiviteteve dyvjeçare të projektit “Përgjigjja ndaj Emergjencës COVID-19 dhe Mbështetje Veprimit të Hershëm”, UNDP në Kosovë organizon një ceremoni përmbyllëse, që do të mbahet sot.

Këto aktivitete, më mirë të njohura si Projekti i Ndihmës Humanitare (HAP), u financuan nga Zyra e Bashkimit Evropian në Kosovë, dhe zbatuan nga UNDP, në partneritet me UN Women Kosova, dhe në bashkëpunim të ngushtë me Zyrën e Vullnetarëve të OKB-së, institucionet qendrore dhe lokale, dhe OJQ-të partnere.

Ceremonia shërben për të shënuar përkushtimin e jashtëzakonshëm të të gjithë partnerëve dhe për të promovuar rezultatet e përpjekjes së përbashkët në përmirësimin e ofrimit të shërbimeve sociale nga Qendrat për Punë Sociale (QPS) dhe përmirësimin e qasjes në mbrojtje sociale të barabartë, cilësore dhe të integruar për grupet më të cenuara.

Në të njëjtën kohë, ky rast na lejon të reflektojmë se si, së bashku mund të punojmë në mbështetje të qëndrueshmërisë midis komuniteteve dhe institucioneve ndaj goditjeve të jashtme.

Të pranishëm në këtë ngjarje do të jenë znj. Arnhild Spence, Koordinatore e OKB-së për Zhvillim në Kosovë, Johannes Stenbaek Madesen, Udhëheqës për Bashkëpunim në Zyren e BE-së në Kosovë, Hekuran Murati, Ministër i Financave, Punës dhe Transfereve, znj. Maria Suokko, Përfaqësuese e Përhershme e UNDP-së, Vlora Tuzi Nushi, Udhëheqëse e UN Women Kosova, znj. Dafina Gexha-Bunjaku, Ushtruese e Detyrës së Ministres së Shëndetësisë, Blerim Azizi, Koordinator Vendi I Vullnetarëve të OKB-së (UNV), Marta K. Gazideda, Menaxhere e Portofolit të Qeverisjes dhe Ndërtimit të Paqes dhe Zëvendës Koordinatore e Programit në UNDP dhe bashkëpunëtorë e mysafirë të tjerë.

Projekti HAP i financuar nga BE-ja ka qenë në qendër të përpjekjeve të UNDP-së për rikuperim nga Covid-19 dhe i bazuar në parimin e Kombeve të Bashkuara “askush të mos mbetet pas”.

Komponentët e projektit, si shpërndarja e kuponëve për ata që jetojnë me asistencë sociale, vendosja e vullnetarëve të OKB-së në Qendrat për Punë Sociale (QPS), ndërhyrjet në QPS-të dhe strehimoret, dërgimi i klinikave mobile dhe fuqizimi ekonomik i grave, të gjitha kanë pasur një synim të përbashkët – të ofrojë ndihmë për ata që jetojnë në situata të cenueshme.

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)