09 Shkurt 2023

Operacioni i parë në spitalin e ri në lagjen Bair të Mitrovicës

Mitrovicë, 5 mars - Sot është kryer operacioni i parë në spitalin e ri të ndërtuar në lagjen Bair të Mitrovicës, përkatësisht  në repartin e gjinekologjisë me obstetri, i cili është funksionalizuar këtë javë. 

Për të parë kushtet e punës në këtë repart, atje ka qëndruar edhe kryetari i komunës, Avni Kastrati dhe drejtori i Drejtorisë së Shëndetësisë, Shaqir Demiri, të cilët janë njoftuar në hollësi me ecurinë e punëve në këtë spital, ku pritet së shpejti që të funsionalizohen edhe repartet tjera kirurgjike.

Kryetari Kastrati, i ka uruar shëndet foshnjës së posalindur me prerje cezariane dhe nënës së saj, ndërsa mjekëve ju ka uruar sukses në ambientet e reja, duke shfaqur shpresën se mitrovicasve tani do t’u krijohen mundësi më të mira për shërbime shëndetësore. 

Në anën tjetër, drejtori i Drejtorisë së Shëndetësisë, Shaqir Demiri, ka thënë se brenda muajit pritet që të funksionalizohen edhe disa reparte të tjera, duke rritur kështu kapacitet që kanë të bëjnë me ofrimin e shërbimeve shëndetësore në këtë komunë, e cila prej pasluftës ka pasur një gjendje shumë të rëndë në këtë aspekt.

Ndërsa anesteziologu Nuredin Fazliu, i cili deri tani ka punuar në Prishtinë, vetëm disa momente pasi kishte dalur nga operacioni, tha se ka vendosur që të kthehet në Mitrovicë në mënyrë që të ndihmoj këtë spital, të cilit i mungojnë shumë kuadrot.

Ai ka theksuar se kushtet e punës janë shumë të mira dhe pret që edhe kuadro të tjera, të cilat janë duke punuar në Prishtinë të kthehen në Mitrovicë, në mënyrë që të krijohet  një personal i nevojshëm për këtë spital.

Ndërsa Halime Klisurica, kryeinfermiere në repartin e gjinekologjisë, tha se në këtë repart aktualisht janë të angazhuar 30 motra dhe 7 mjekë, përderisa pritet që së shpejti këtij personeli t’i shtohen edhe 2 mjekë të tjerë. 

Ajo sqaroi se të premten është kryer operacioni i parë në spitalin e ri, përderisa foshnja e parë ka lindur para tre ditësh.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)