27 Janar 2023

OBSH sjell të hënën 100 mijë vaksina kundër A H1N1

Prishtinë, 5 mars - Zyra e Organizatës Botërore të Shëndetësisë (OBSH) në Prishtinë, ka njoftuar Ministrinë e Shëndetësisë të Republikës së Kosovës se të hënën do të arrijnë në Kosovë 100 mijë vaksina kundër Gripit të ri A H1N1, pjesë e kontigjentit prej 200 mijë vaksinave, të cilat OBSH I kishte zotuar për Kosovën si donacion për luftimin e pandemisë së virusitAH1N1.

Shefi i Zyrës së OBSH-së në Prishtinë, dr. Skënder Syla ka njoftuar MSh-në se tashmë janë kryer procedurat logjistike rreth transferit të këtyre vaksinave të Kosovë dhe ato pritet të arrijnë në Prishtinë të hënën pasdite.

Vaksinat kundër A H1N1 (Arepanrix) që do të arrijnë të hënën në Kosovë, janë të prodhuara nga kompania e njohur “Glaxo Smith Kline” në Kanada, dhe sipas planit të vaksinimit të IKSHP-së, me to do të mund të vaksinohen të gjitha kategoritë e popullatës në Kosovë.

Vaksinat janë donacion i OBSH-së, për çka MSh i shpreh falënderim kësaj organizate, ndërsa afati i tyre i përdorimit është deri në prill të vitit 2011.

Ndërkohë, që situata rreth pandemisë së A H1N1 reflekton e qetë si në nivel global ashtu edhe në Kosovë dhe Komiteti i krizës o OBSH-së, i përbërë nga 15 ekspertë, ka vlerësuar se është herët të konkludohet për përfundimin e pandemisë së A H1N1, MSh vlerëson se vaksinat janë të mirëseardhura, pasi që ato do të përdoren në varësi prej situatës epidemiologjike në terren.

Që nga fillimi i pandemisë së A H1N1, prillin e kaluar në Meksiko, nga ky virus kanë vdekur rreth 16 mijë persona në botë, ndërsa në Kosovë ka pasur mbi 320 të infektuar dhe 14 të vdekur, shumica pre të cilëve në nëntorin e vitit të kaluar.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)