27 Janar 2023

OBSH paralajmëron për mungesë shiringash

Gjenevë, 10 nëntor - Organizata Botërore e Shëndetësisë (OBSH) paralajmëroi të martën se një sfidë tjetër po pritej në përpjekjen për të vaksinuar planetin si rezultat i mungesës së shiringave. Pritet të ketë një mungesë prej 1 deri në 2 miliardë shiringa vitin e ardhshëm, njoftoi sot specialistja e OBSH-së, Lisa Hedman.

Vendet më të varfra, të cilat shpesh bëjnë porosi të vogla dhe për këtë arsye nuk kanë përparësi me prodhuesit, mund të preken më tepër.

OBSH-ja u bën thirrje vendeve që të planifikojnë përpara dhe të porosisin në sasi të mëdha, nëse është e mundur, dhe t’i kushtojnë vëmendje asaj kohe gjashtëmujore që shpesh është e nevojshme për prodhuesit.

Në një vit normal, në mbarë botën kryhen 16 miliardë injeksione, sipas vlerësimeve të OBSH-së. Para pandemisë, vaksinimet përbënin 5 deri në 10 përqind, ose deri në 1.6 miliardë. Por 6.8 miliardë doza shtesë të vaksinës Covid-19 janë dhënë në mbarë botën, duke rritur ndjeshëm kërkesën për shiringa, sipas vlerësimeve të OBSH-së.

Shiringat për vaksinimin ndryshojnë nga ato për qëllime të tjera. Ato zakonisht kanë një mekanizëm që siguron përdorimin e tyre vetëm një herë.

Sipas vlerësimeve të OBSH-së, prodhuesit mund të prodhojnë rreth 6 miliardë shiringa në vit. Vendet më të mëdha të eksportit janë India dhe Kina. Kërkesa e vitit të ardhshëm mund të jetë katër deri në shtatë herë më e lartë se kërkesa mesatare para pandemisë.

“Nëse nuk ka shiringa të mjaftueshme për vaksinat, mund të duhet të anashkalohen ndërhyrjet rutinë si ato kundër fruthit, shytave dhe rubeolës”, tha Hedman.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)