27 Janar 2023

OBSH paralajmëron: Djegia e karburanteve fosile po na vret

Gjenevë, 12 tetor - Organizata Botërore e Shëndetësisë (OBSH) bëri thirrje për objektiva të rinj ambiciozë në lidhje me ndryshimin e klimës, përpara Konferencës së Kombeve të Bashkuara për Ndryshimet Klimatike (COP26) në Glasgow.

“Djegia e karburanteve fosile po na vret”, paralajmëroi OBSH. “Ndryshimi i klimës është kërcënimi më i madh shëndetësor me të cilin përballet njerëzimi”, shtoi organizata.

Në 10 rekomandime, ndër të tjera, OBSH kërkoi cilësi më të mirë të jetës në qytete, përparësi për këmbësorët, çiklistët dhe përdoruesit e transportit publik, si edhe një ekonomi bujqësore të qëndrueshme.

Sipas OBSH, përmirësimet në mbrojtjen e klimës do të kishin një efekt të madh pozitiv në shëndet dhe mund të kursejnë kosto të konsiderueshme që dalin nga sëmundjet. Ajo vuri në dukje se vetëm ndotja e ajrit shkakton rreth shtatë milionë vdekje të parakohshme çdo vit, rreth 13 në minutë.

Nëse standardet e OBSH-së për ndotjen e ajrit do të respektoheshin, përfshirë një reduktim të ndjeshëm të emetimeve të gazrave serrë, që nxisin ndryshimin e klimës, mund të shmangen 80 për qind e vdekjeve të shkaktuara nga ndotja e ajrit.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)