06 Dhjetor 2022

Nesër fillojnë “Ditët e Infermierisë Familjare”

Prishtinë, , 21 shtator - Me moton “Ofrimi i cilësisë në shërbim të bashkësisë-Infermieria udhëheq kujdesin kronik” nesër dhe pasnesër në Ferizaj do të zhvillohet takimi i  pestë punues “Ditët e Infermierisë Familjare”, organizuar nga Qendra e Edukimit të Vazhdueshëm Infermierik (QEVI) në kuadër të Ministrisë së Shëndetësisë.

Ky takim tashmë tradicional, që do të mbahet në kuadër të planit të punës së QEVI-t, ka për qëllim ngritjen e cilësisë dhe arritjen e standardeve të përkujdesjes shëndetësore në Kujdesin parësor Shëndetësor dhe implementimin e njohurive dhe shkathtësive të infermierëve në komunitet.

QEVI synon arritjen e këtyre objektivave bazuar në Ligjin për Shëndetësi të Republikës së Kosovës dhe Udhëzimin Administrativ të Vazhdueshëm Profesional.

Në këtë takim punues, në hapje të cilit do të jenë edhe zyrtarët e lartë të Ministrisë së Shëndetësisë, marrin pjesë kryeinfermierët e Qendrave Kryesore të Mjekësisë Familjare (QKMF), koordinatorët mjekë dhe infermierë të Qendrave Trajnuese të Mjekësisë Familjare (QKMF) dhe trajnerë të infermierisë familjare.

Takimi ka për qëllim gjithashtu edhe zhvillimin e aftësive të infermierëve në edukimin modern, transferin e mirë të njohurive dhe shkathtësive të mësuara duke përdorur teorinë dhe praktikën dhe duke rritur vetëbesimin në lehtësimin e marrjes së vendimeve.

Takimi është dy ditor (22 dhe 23 shtator 2010)dhe do të mbahet në restorantin  “Ujëvara” në Ferizaj, duke filluar nga ora 10:00.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)