23 Shtator 2021

Në Prishtinë po mbahet Simpoziumi i 8-të i Urologjisë

Prishtinë, 6 maj - Organizuar nga Shoqata e Urologëve të Kosovës dhe mbështetur nga Ministria e Shëndetësisë, sot në Prishtinë i ka filluar punimet Simpoziumi i 8-të i kësaj shoqate, me pjesëmarrje edhe të profesionistëve ndërkombëtar të kësaj fushe.

Në hapje të Simpoziumit dy ditor nga fusha e urologjisë, Ministri i Shëndetësisë i Republikës së Kosovës, Dr. Ferid Agani, tha se Ministria të cilën ai e drejton u jep përkrahje të pa rezervë organizimeve të karakterit profesional sikur ky i urologjisë për të arritur ato nivele shkencore që përkojnë me zhvillimet në këtë fushë nw vendet e zhvilluara.

Si Ministri do të krijojmë bazën e domosdoshme ligjore, që të mundësojë zhvillimin e mëtejmë të urologjisë në baza profesionale, tha Ministri Agani, duke rikujtuar se vitet paraprake të vështira nëpër të cilat ka kaluar sistemi shëndetësor, pa dyshim që kanë dhënë refleksionet e tyre edhe në këtë fushë.

Rektori i Universitetit të Prishtinës, Dr. Mujë Rugova, ka lavdëruar punën e urologëve kosovarë dhe ka thënë se UP mbetet e përkushtuar për krijimin e kushteve sa më adekuate për zhvillimin e punës për personalin akademik dhe atë mjekësor të urologjisë.

Dekani i Fakultetit të Mjekësisë, Dr. Gani Bajraktari, tha se komunikimi ndërmjet urologëve kosovarë dhe atyre ndërkombëtarë është rruga më e mirë për ngritjen e kualitetit të shërbimeve në këtë fushë dhe implementimin e politikave që kanë të bëjnë bazën e evidencave mjekësore.

Kryetari i Shoqatës së Urologëve të Kosovës , Dr. Lutfi Dervishi tha se synimi i këtij simpoziumi dhe i vet shoqatës është zhvillimi dhe ngritja e urologjisë kosovare në nivel të vendeve perëndimore , për çka tha se ka shumë arritje.

 
 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)