27 Korrik 2021

Në Institutin e Onkologjisë vizitohen 1.760 pacientë

Prishtinë, 11 mars - Në Institutin e Onkologjisë, përkatësisht në Deperatamentin e Onkologjisë Mjekësorë të Qendrës Klinike Universitare të Kosovës (QKUK), po vazhdon me sukses të plotë të  bëhet trajtimi i  pacientëve me terapi  sistematike (kimioterapi, hormonoterapi, terapi të cakut).

Në mbikëqyrjen dhe kontrollin e punës është angazhuar dr. Mejreme Krasniqi- Maloku, subspecialiste e Onkologjisë, e cila është caktuar U.D. Shefes së Departamentit të Onkologjisë Mjekësore në këtë Instituti.

Shpend Fazliu zëdhënës i QKUK-së ka bërë të ditur se funksionalizimi i tij është bërë  më 28.12.2010, kurse deri në ditën e sotme, në kuadër të ambulancës specialistike janë kontrolluar 1.760 pacientë, kurse janë  dhënë  800 cikle të kimioterapisë.

Në kuadër të Instituti të Onkologjisë, në pjesën ku jepet kimioterapia sipas Fazliut është arritur të futet në punë edhe laboratori për analiza biokimike, ku deri tani janë kryer mbi 500 analiza për pacientët. 

\"Po në këtë Institut, është  hapur edhe barnatorja doracake, e cila furnizohet nga Barnatorja Qendrore e QKUK-së,  e cila furnizimin e bënë nga Departamenti i Farmacisë i Ministrisë së Shëndetësisë\", ka thënë ai.

Për punën profesionale në Departamentin për Onkologji, është angazhuar edhe 1 farmacist, 1 internist, 1teknik i farmacisë, 5 infermiere, 1 laborant.

Para se të lëshohej në funksion ky Departament i Institutit të Onkologjisë, kimioterapia është dhënë  në shumë klinika të QKUK-së dhe në kushte shumë më të vështira. 

Kohë më parë, Dr Mjereme Krasniqi-Maloku, është caktuar përgjegjëse për mbikëqyrjen, furnizimin, disperzimin dhe përshkrimin e citostatikëve për të gjitha patologjitë onkologjike në tumore solide.

Po ashtu, në kuadër të Institutit të Onkologjisë është duke punuar edhe Rezonanca Magnetike, ku vetëm gjatë muajit shkurt janë kryer 171 rezonanca magnetike. 

Tani, kryhen deri në 7 rezonanca magnetike në ditë, 5 për pacientët e shtrirë dhe 2 për pacientët ambulatorë.

Menaxhmenti i QKUK-së, në bashkëpunim dhe koordinim me Ministrinë e Shëndetësisë, po bëjnë përpjekje që sa më shpejtë të fusin në punë  edhe  shërbimin e Radioterapisë dhe të kompletohet në tërësi puna në Institutin e Onkologjisë. Së shpejti pritet të filloj punën edhe CT-ja 64 shtresore.

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)