23 Shtator 2021

MSh thellon bashkëpunimin me mjekë të Gjermanisë

Prishtinë, 5 maj - Delegacioni i Federatës së Odave Mjekësore të Republikës Federale të Gjermanisë në përbërje Dr. med. Ramin Walter Parsa dhe Domen Podnar, në shoqërim të Dr. Salih Berishës nga Qendra Mjekësore Universitare në Mannheim vizitoi sot Ministrinë e Shëndetësisë të Republikës së Kosovës, me qëllim të fillimit të bashkëpunimit në themelimin e Odave të Profesionistëve Shëndetësor të Kosovës.

Në takimin me Ministrin e Shëndetësisë dr. Ferid Agani dhe përfaqësuesit e Bordeve Profesionale të profesionistëve shëndetësor, u dakorduan hapat konkret të punës në këtë drejtim si dhe u shpreh gatishmëria e dyanshme për bashkëpunim për këtë qëllim.

Në takim Ministri Agani, pranoj ftesën për pjesëmarrje në Konferencën vjetore të kësaj Federate që në fillim të qershorit 2011 mbahet në Kiel të Republikës Federale të Gjermanisë.
 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)