23 Shtator 2021

MSH shpërndan sete mbrojtëse për personelin në QKUK

Prishtinë, 24 dhjetor - Në kuadër të rritjes së nivelit të masave preventive kundër sëmundjeve të ndryshme, në veçanti kundër sëmundjeve ngjitëse, Ministria e Shëndetësisë e Republikës së Kosovës ka shpërndarë sot rreth 1000 sete mbrojtëse si dorëza, kapela, uniforma, etj., në Qendrën Klinike Universitare të Kosovës.

Këto komplete mbrojtëse, do t’i shërbejnë personelit shëndetësor dhe sipas nevojave edhe vizitorëve në Qendrën Emergjente, Klinikën Infektive dhe klinikave të tjera si masa mbrojtëse për t’u mbrojtur nga infeksionet e ndryshme bartëse.

Gjatë ditëve në vijim, me sete të tilla mbrojtëse do të pajisen  edhe Urgjenca e Prishtinës dhe qendrat e tjera shëndetësore të vendit që kanë nevojë për to.

Këto sete mbrojtëse për personelin janë pjesë e një donacioni në vlerë prej rreth 120.000 dollarëve amerikanë të Ushtrisë së SHBA-ve dhuratë për shëndetësinë e Kosovës, realizuar përmes Ambasadës Amerikane në Kosovë dhe USAID-it.

MSH shpreh falënderimin e saj për asistencën e vazhduar të shtetit amerikan edhe në fushën e shëndetësisë.

 

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)