03 Gusht 2021

MSH revokoi licencat 3 Qendrave Diagnostike-Terapeutike

Prishtinë, 10 shkurt - Bordi për Licencim të Institucioneve të Kujdesit Privat Shëndetësor i Ministrisë së Shëndetësisë, ka revokuar licencat e tri Institucioneve Private të Kujdesit Shëndetësore, për shkak të shkeljeve ligjore, të konstatuara në to, nga ana e Inspektoratit Shëndetësor.


Licenca u është revokuar këtyre institucioneve private të Kujdesit Shëndetësor: Qendrës Diagnostike-Terapeutike “Zeka” në Ferizaj,  Qendrës Diagnostike- Terapeutike “Promedika” Prishtinë dhe Qendrës Diagnostike -Terapeutike  “Lyra” në Prishtinë.

Inspektorati Shëndetësor ka konstatuar se këto institucione shëndetësore private kanë lëshuar certifikata shëndetësore për patentë shoferë, në kundërshtim me ligjin.

Revokimi i licencave të këtyre institucioneve private të Kujdesit Shëndetësor, është  bërë në bazë të nenit 16 të Kushtetutës së Kosovës, në pajtim me Ligjin për Shëndetësi, Ligjin për Veprimtari Private në Shëndetësi dhe Ligjin për Inspektoratin Shëndetësor.

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)