07 Dhjetor 2021

MSh në përmbyllje të konkursit të specializimeve

Prishtinë, 20 prill - Ministria e Shëndetësisë e Republikës së Kosovës ka bërë të ditur se është në fazën e përpunimit final të rezultateve të konkursit të specializimeve, të shpallura nga Ministria bazuar në Ligjin për Shëndetësi dhe Udhëzimin Administrativ nr. 06/2009.

Lejimi i specializimeve në lëmitë ku nuk ka pasur ankesa pas mbajtjes së intervistave me kandidatët do të bëhet së shpejti, ndërsa në rastet ku palët kanë bërë ankesa, pas shqyrtimit të tyre nga Bordi Qendror për Edukim Specialistik dhe Komisioni për ankesa, do ta vazhdohet me procedurat e lejimit të vazhdimit të specializimeve.

Sipas nenit 27 të UA 6/2009, kandidatët që aplikojnë për specializim dhe specializinatët që vijojnë specializimin kanë të drejtë ankese. Ankesat i shqyrton Bordi Qendror në shkallë të parë dhe Komisioni për Ankesa të aplikuesve për specializime dhe specializantë i Ministrisë së Shëndetëisë, në shkallë të dytë , i emëruar nga Ministri i Shëndetësisë.

Pas mbylljes edhe së kësah faze, Ministria do të lëshojë vendimet për fillimin e specializimeve për kandidatët e përzgjedhur.

Bazuar në UA 06/2009, kriteret e hartuara për kërkesat dhe ndarjen e vendeve për specializim ishin të bazuara në numrin aktual të mjekëve specialist sipas institucioneve spitalore, numrin e shtretërve aktualë, raportin aktual shtrat spitalor/mjek, ngritjen dhe funksionalizmin e shërbimeve të reja (spitali i Mitrovicës), profilet deficitare, numrin e mjekëve në specializim, interesin e institucioneve te veçanta, kapacitetet ekzistuese për trajnimin e mjekëve në specializim dhe buxhetin ekzistues për edukim specialistik.

MSh, duke u mbështetur në këtë UA e kishte decentralizuar procesin e ndarjes së specializimeve, duke u dhënë institucioneve shëndetësore mundësi që ato t’i shpllin konkurset dhe  t’i zhvillojnë intervistat me kandidatët.
 
Në konkursin e tanishëm janë lejuar 225 vende për specializime : 37 në Kujdesin Terciar Shëndetësor;  49 në Kujdesin Sekondar Shëndetësor, 115 në Kujdesin Primar Shëndetësor, 4 për Forcën e Sigurisë të Kosovës dhe 20 vende me vetëfinancim në Stomatologji (krahas 3 vendeve të tjera që financohen nga instituciionet).
 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)