06 Dhjetor 2022

MSh: Mbi 300 pacientë të trajtuar jashtë vendit

Prishtinë, 12 gusht - Ministria e Shëndetësisë e Republikës së Kosovës ka arritur që në gjashtë mujorin e parë të këtij viti, përmes Programit të Trajtimit Jashtë Vendit (TJV), të dërgojë në mjekim jashtë institucioneve shëndetësore të Kosovës  356 pacientë.

Prej këtij numri, 272 raste janë financuar nga Programi i TJV-së, derisa 84 raste të tjera, kanë shkuar trajtuar dhe janë në trajtim e sipër pa pagesë nga ana e institucioneve shëndetësore të Republikës së Turqisë.

Numri më i madh i pacientëve të mjekuar për këtë periudhe gjashtë mujore është bërë në Republikën e Turqisë (148 + 84), në Maqedoni 65, Gjermani 38, Shqipëri 21, derisa raste në numër më të vogël janë trajtuar edhe në shtetet si Francë, SHBA, Zvicër, Austri, etj.

Zyra e Programit të Trajtimit Jashtë Vendit (ZTMJV) ndërkaq, vetëm në periudhën gjashtë mujore të këtij viti ( 1janar 2010-30 qershor 2010) ka pranuar 582 aplikacione për TMJV sipas diagnozës, prej të cilave 69 raste janë fëmijë të moshës prej 0-15 vjeç.

Numri më i madh i rasteve që kanë aplikuar në periudhën e parë gjashtë mujore të këtij viti, janë raste të natyrës kardiologjike (162), ortopedike (129), oftalmologjike (91), radio-onkologjike (65), pediatrie (20), neurologjike (20), pardiatri-kardiologjike (16), etj.

Programi i Trajtimit Mjekësor Jashtë Vendit në kuadër të MSh-së është themeluar sipas Udhëzimit Administrativ (Shëndetësi) 7/2003 si program i Qeverisë së Kosovës që ka për qëllim të ofrojë asistencë plotësuese mjekësore për ata qytetarë të prekur nga sëmundjet që aktualisht nuk mund të trajtohen në institucionet publike shëndetësore kosovare dhe të cilët nuk mund të paguajnë trajtime të tilla nga fondet e tyre vetjake.

Që prej vitit 2003, kur është themeluar ky program, Zyra e TMJV e MSh-së ka pranuar 6570 aplikacione, prej të cilave ka aprovuar 5721 lëndë , derisa trajtim mjekësor përmes buxhetit të PTJV-së kanë marrë mbi  2300 persona.

Programi i Trajtimit Jashtë Vendit i Ministrisë së Shëndetësisë ka pasur në dispozicion gjatë këtij viti një buxhet prej 2 milionë eurove.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)