03 Shkurt 2023

MSH e OBSH, opsione të reja për Shërbimet Emergjente Mjekësore

Prishtinë, 15 mars - Komiteti Drejtues për Shërbime Emergjente Mjekësore ka mbajtur sot takimin e parë në Prishtinë, për t’i hapur rrugë kështu trajtimit sa më bashkëkohor të emergjencave mjekësore.

Në këtë takim, kanë marrë pjesë edhe përfaqësues të OBSH-së, shefi i Zyrës së Qeverisë së Luksemburgut në Kosovë Pierre Weber, drejtori i Qendrës Emergjente të QKUK-së  dhe drejtor të shërbimeve emergjente nga komunat e Kosovës dhe të Qendrës Emergjente të QKUK-së.

Në emër të ministrit të Shëndetësisë së Republikës së Kosovës, Alush Gashi, ka folur këshilltari Skënder Berisha, i cili tha se MSh mbetet e përkushtuar thellë në avancimet gjithëpërfshirëse, duke u kushtuar vëmendje të veçantë emergjencave dhe zhvillimit të tyre. “Zhvillim që në vetë ngërthen ofrimin e trajtimit emergjent në të gjitha nivelet, edukimin e vazhduar profesional si dhe legjislacionin konform të arriturave të shëndetësisë aktuale dhe praktikave më të mira të shëndetësisë së përpunuar”, tha Berisha.

Shefi i Zyrës së Qeverisë së Luksemburgut në Kosovë, Pierre Weber ka thënë se Qeveria e vendit të tij do të vazhdojë të mbështes avancimin e kujdesit emergjent në Kosovë.

Sergey Koryak nga OBSH ka bërë një prezantim lidhur me shërbimet emergjente në Kosovë, me ç’rast janë dhënë edhe propozime se si të avancohen këto shërbime, ndërkohë që pas këtij takimi, që ishte i pari i Komitetit Drejtues për Shërbime Emergjente Mjekësore.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)