24 Shtator 2021

MSh aplikon dokumentet dhe recetat e reja mjekësore

Prishtinë, 16 dhjetor - Ministria e Shëndetësisë e Republikës së Kosovës ka miratuar dy udhëzime të reja administrative:  UA  Nr. 01-2010-Dokumentet Shëndetësore dhe UA  Nr. 02-2010-Recetat në Sistemin Shëndetësore të Republikës së Kosovës.

Me miratimin e këtyre dy udhëzimeve administrative, institucione shëndetësore në territorin e Republikës së Kosovës, janë të obliguara që duke filluar nga 1 janari i vitit 2011, t’i përdorin Dokumentet Unike Shëndetësore dhe Recetat në Sistemin Shëndetësor, në përputhje të plotë me normat e përcaktuara në këto Udhëzime Administrative.

Me qëllim të lehtësimit të implementimit të këtyre dokumenteve Grupi i ekspertëve të MSh-së, ka hartuar Dokumentin-Udhëzuesi mbi mënyrën e plotësimit të dokumenteve dhe recetave (Aneks i Udhëzimit Administrativ Nr. 02/2010), i cili bashkë me Udhëzimin gjendet në web faqen e Ministrisë së Shëndetësisë: www.msh-ks.org, dhe do t’u shërbej profesionistëve shëndetësor si referencë për plotësim korrekt të dokumenteve që përfshijnë këto dy Udhëzime Administrative.

Sipas nevojës do të mund të organizohen edhe trajnime për stafin shëndetësor, me qëllim të plotësimit sa më të mirë të dokumenteve të reja shëndetësore.

Institucionet shëndetësore do të furnizohen me dokumentet e reja shëndetësore nga dy operatorë ekonomikë të kontraktuar nga MSH-ja: “Litografia”- Gjakovë dhe “Europrinty”-Prishtinë, ndërkohë që MSH i ka njoftuar institucionet me mënyrat se si do të furnizohen me dokumentet e reja mjekësore.

Inspektorati Shëndetësor dhe Inspektorati Farmaceutik do të monitorojnë zbatimin dhe mënyrën e plotësimit të dokumenteve shëndetësore dhe recetave në sistemin shëndetësor.

 

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)