06 Dhjetor 2022

Mitrovica formon grup ekspertësh me mjekë

Mitrovicë, 30 korrik - Shaqir Demiri, drejtor për Shëndetësi dhe Mirëqenie Sociale në Komunën e Mitrovicës, me përkrahjen e kryetarit të komunës, Avni Kastrati, ka formuar një grup ekspertësh me mjekë të spitalit rajonal në këtë komunë, me qëllim të krijimit të një plani për krijimin e kushteve më të mira për ofrimin e shërbimeve shëndetësore.

Drejtori Demiri, tha se ky grup do të identifikoj nevojat dhe do të propozoj hapat që duhet të ndërmerren për zbutjen e gjendjes në shëndetësi.

Ai tha se kjo po bëhet me qëllim që kryetarit të komunës, i cili është shumë i interesuar që të ndihmoj t’i ofrohet një bazë e mirë në mënyrë që më lehtë ta ketë për hapat që do të ndërmerr.

Demiri theksoi se problem kryesor sa i përket shëndetësisë sekondare në këtë komunë, ku tashmë janë funksionalizuar disa reparte të spitalit të sapondërtuar, është mungesa e kuadrit.

“Për shkak të rrethanave që kanë ekzistuar në këtë komunë pas lufte shumë kuadro kanë shkuar nga Mitrovica. Tash duhet të bëhet diçka në drejtim të kthimit të tyre si dhe investimet në kuadro të reja”.

Në anën tjetër, kryetari Kastrati, ka thënë se shëndetësia është një prej segmenteve më të goditura nga rrethanat e pasluftës në Mitrovicë. Për këtë ai theksoi se është shumë i vendosur që të ndihmoj me të gjitha mjetet që ka në dispozicion.

Në këtë drejtim, ai përmendi edhe presionin që duhet të bëhet tek instancat qendrore që Mitrovica të trajtohet ndryshe, meqë përballet me probleme shumë të mëdha që nuk tejkalohen pa ndihmën e të gjithëve.

Ai potencoi se si zgjidhje për kuadrot që kanë vullnetin të kthehen dhe të punojnë në Mitrovicë sigurimin e banesave. Tha se duhet bërë diçka që gjendja të ndryshoj, meqë qytetarët e kësaj komune dhe gjithë rajonit kanë probleme të mëdha sa i përket shërbimeve shëndetësore.

Për nevojën e presionit më të madh drejtuar strukturave qendrore, ka folur edhe Rrustem Musa, kryesues u Kuvendit të Komunës, i cili është mjek me profesion dhe punon në spitalin  rajonal në Mitrovicë.

Ai tha se duhet të investohet në shkollimin dhe përgatitjen e kuadrove të reja. Në këtë drejtim ceku se Mitrovica nuk është trajtuar si duhet as sa i përket specializimeve.

Ndërsa Nuredin Fazliu, i cili është anesteziologu i vetëm që punon në këtë spital dhe që është kthyer nga QKUK-ja pasi është funksionalizuar spitali i ri në Mitrovicë, tha se nuk është mirë që në këtë rajon, në Mitrovicë dhe në Vushtrri të funksionojnë spitale dhe që asnjëri të mos jetë në gjendje të ofroj shërbime të mira shëndetësore.

Kurse doktori Musa Miftari, tha se që 11 vjet janë bërë gabime sa i përket hapave që janë marrë në Mitrovicë në segmentin e shëndetësisë.   

Ndryshe objektet e reja spitalore në Mitrovicë janë duke u ndërtuar me ndihmën e Qeverisë Norvegjeze, ndërsa deri me tani janë funksionalizuar disa reparte, por që ka probleme si pasojë e mungesës së kuadrove, mandej pajisjeve etj.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)