07 Shkurt 2023

Ministri i Shëndetësisë takoi sindikalistët e Shëndetësisë

Prishtinë, 1 Mars - Ministri i Shëndetësisë i Republikës së Kosovës, Alush Gashi, priti sot në një takim krerët e Federatës së Sindikalistëve të Shëndetësisë së Kosovës, Asllan Bajrami dhe Jahir Mulolli.

Në këtë takim është biseduar për të ardhurat  dhe kushtet e punonjësve shëndetësor pas lëvizjeve të fundit që janë bërë në këtë sektor.

Ministri Gashi i ka informuar sindikalistët se në pagat e punonjësve shëndetësor që kanë dalë tashmë në llogaritë e tyre, është paguar ngritja prej 30 për qind dhe shtesa 44 euro.

Është theksuar se kujdestaritë do të jenë në paga të marsit.

Ministri Gashi ka kërkuar bashkëpunim të plotë të Sindikatës për të ndihmuar përmes ndikimit të tyre në inkasimin më të mirë të hyrave vetjake në institucionet shëndetësore nga të cilat do të paguhet 44 euro dhe ngritjen e cilësisë së kushteve, por edhe të pozitës materiale të punonjësve shëndetësor.

Në takim sindikalistët kanë folur për çështjet të cilat i preokupojnë punonjësit shëndetësor dhe të cilat mund të zgjidhen me angazhim të përbashkët, për çka ministri i ia siguruar se do të jetë në angazhim të përhershëm.


Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)