08 Maj 2021

Ministri Gashi takoi delegacionin shëndetësor “Nënë Tereza”

Prishtinë, 30 mars - Ministri i Shëndetësisë i Republikës së Kosovës, Alush Gashi, priti sot në një takim drejtuesit e shërbimit shëndetësor të shoqatës bamirëse humanitare “Nëna Tereze”, të kryesuar nga dr. Gani Demolli.

Në 18 vjetorin e themelimit të këtij shërbimi, i cili luajti një rol të rëndësishëm në ofrimin e shërbimeve shëndetësore për popullatën kosovare në kohën e periudhës së sistemit paralel kundër regjimit serb, ministri Gashi ka vlerësuar lart kontributin e të gjithë atyre që për vite të tërë ishin pjesë e këtij shërbimi në baza humanitare e vullnetare.

“Puna që është bërë është për t’u admiruar, kurse porosia e angazhimit të shoqatës “Nëna Tereze” duhet të kultivohet edhe tani”, tha ministri Gashi.

Nga ana e tij, dr. Gani Demolli ka falënderuar ministrin Gashi për kontributin që ka dhënë në mbështetje të shërbimit shëndetësor të SHBH “Nëna Tereze”, duke qenë edhe vet pjesë e ndërtimit të atij sistemi që për vite të tëra sfidoi pushtuesin serb në kohën e atij që njihej si shteti paralel i Kosovës, duke mbajtur gjallë shërbimet shëndetësore për popullatën e pambrojtur shumicë në Kosovë. 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)