25 Shtator 2022

Ministri Gashi priti zyrtarë të lartë të Fondit Global

Prishtinë, 4 shkurt - Ministri i Shëndetësisë i Republikës së Kosovës, Alush Gashi, me bashkëpunëtorë, priti sot një delegacion të Fondit Global, të kryesuar nga Andreas Tamberg, menaxher portofolio i Fondit për Evropën Perëndimore dhe Azinë Qendore.

Në këtë takim, ministri Gashi ka falënderuar përfaqësuesit e Fondit Global për asistencën që ky fond i ka dhënë Kosovës në zhvillimin e programeve nacionale për HIV/AIDS dhe TBC.

Po ashtu, ministri, ka njoftuar zyrtarët e Fondit Global edhe për reformat në sistemin shëndetësor dhe programet e tjera nga fusha e sëmundjeve të ngjitëse, duke kërkuar nga bashkëbiseduesit që bashkëpunimi të vazhdojë edhe në të ardhmen.

Andreas Tamberg ka lavdëruar punën e Ministrisë së Shëndetësisë dhe bëri të ditur se Kosova tash mund të aplikojë në raundin e dhjetë të granteve që Fondi ndan për shtete të ndryshme e që ka të bëjë me fuqizimin e rolit të sistemit shëndetësor pranë Fondit Global, dhe sipas tij, ekzistojnë mundësitë që sikur në dy programet e tjera atë për HIV/AIDS dhe TBC, Kosova të mund të jetë përfitues edhe në raundin e dhjetë.

MInistri Gashi ka thënë se MSH do të jetë e hapur për bashkëpunim me Fondin Global, duke aplikuar më vëmendje edhe sugjerimet që ky mekanizëm bën për ngritjen dhe zhvillimin e programeve me interes për shëndetësinë.

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)